Ersamen und weys unser willig dienst wizzet allzeit Als Ir ewer potschafft pey uns gehabt habt, von einer Newen muenzz wegen die dero hoechgepoern fuersten unser genaedig herren die Hertzogen ze Oesterreich etc. mainent auf ze werffen darumb haben wir uns mit andern Steten ob der Enns beraten, und chuennen anders nicht erdenkchen, wenn solt die muenzz also fuer-gankch haben oder gewinnen als wir vernoemen haben, das waer unser aller verderben Getraw wir ewer weishait wol, Ir ratet und helffet mit soelicher pet an die genaedigen unser herschafft daz wir soelichs versechleichs unsers verderbens ueberhaben werden Besloezzen uender unserm Stat Insigill Geben an freytag in der Kotemmer in der Vasten Anno Millesimo CCCC°. Der Richter Rat, und Gemain die Purger der Stat ze Lynntz.

Source Fulltext: Peter Peusquens