Ich Kathrey Chunrats des Schenkchen hawsfraw Bechenn offenleich mit dem brif das ich dem vorgenanten Chunraten meinem wirt gantzen und vollen gewalt gegeben hab und gib auch wissentleich mit dem brif von des hawses wegen in sand Johanstrazz ze Wienn das wir miteinander mit gesambter hant gechaufft haben und das wir ytz miteinander versatzt haben fur hundert und Sechtzig phunt Ulreichen dem Gundloch und seinen erben das, daz mein pet gutleicher will und wort ist mit urkund ditz brifes besigilt mit des erbern mannes Petreins des Raidleins die zeit panRichter ze Medling aufgedrukchtem Insigel Im an schaden den ich des vleizzichleich gepeten hab darunder ich mich verpind mit meinen trewn angevêr alles daz stêtzehaben das vor an dem brif geschriben stet Geben am freitag nach Lucie anno CCCCmo quarto.

Source Fulltext: Peter Peusquens