Nos Wilhalmus miseratione divina Abbas, Frater Jacobus prior totusque conventus monasterii sancte Marie Scotorum in Wienna, tenore presentium profitemur, quod vir honorabilis et discretus Chunradus dictus Harmarchtus, Iudex Wiennensis pro remedio sue salutis uxoris filiorum ac parentum suorum et specialiter ob devotionem quam gerit erga virginem gloriosam genitricem dei et monasterium nostrum in bona valitudine constitutus ac mentis et corporis perfaciens libertate bona seu redditus suos Wienne in alto foro ad se pertinentes, videlicet in summa quatuor librarum et sexaginta denariorum annuatim, donavit, legavit et contulit, de consensu Gisle uxoris sue filiorum ac heredum suorum nobis et Ecclesie nostre primo post suum obitum et uxoris sue praedicte perpetuo possidendes sub hac forma et modo, ut animarum eorum memoriam in orationibus missis suffragiis et ceteris beneficiis specialibus teneamur et debeamus habere sicut unius cuiuslibet fratris de conventu nostro et nichilominus sub hac conditione expresse adiecta, ut eosdem perventus nullo alienationis titulo ab Ecclesia et monasterio nostro pro nos vel nostros successores alienare liceat ullo in alioquin primis heredibus eius eadem bona seu proventus occupare liceret et ad ius suum auctoritate propria revocare postulans ut super nostre promissionis et obligationis de pactis huiusmodi conservandis sibi parentes litteras traderemus. Nos igitur zelum devotionis sue et affectum quem ad nos et nostrum monasterium gerit sinceris animis amplectentes et eius beneficia beate virgini nobis et monasterio nostro collata, cum gratiarum actionibus acceptantes, singula pacta permissa per ipsum apposita, spondemus implere et pure ac fideliter promittimus perpetuo observare. In cuius rei testimonium presentes sibi litteras tradimus sigillo abbatie et conventus signatas. Datum in monasterio nostro Wienne. Anno domini M° CC° LXXXVIIII°

Source Fulltext: Peter Peusquens