Wir Ernst von gots gnaden Hertzog ze Oesterreich ze Steyr ze Kêrnden und ze Krain Graf ze Tyrol etc. Embieten den erbern weisen unsern liepsten getrewn..dem Burgermaister..dem Richter und dem Rat ze Wienn unser gnad und alles guot. Unser getrewr Oswalt Oberndorffer..unsers Huob-maisters Schreiber hat uns furbracht wie Im Symon Cingiesser ewr mitburger Irrung tue an fuenff fuoder weins die er von weilnt Petern dem Scholderwein kormaister daselbs ze Wienn redleich gekauft hab, als ew..dem Burgermaister..dem Richter, und andern wol wissenleich sey. Emphelhen wir ew ernstleich und wellen, daz Ir mit dem egenanten Cingiesser von unsern wegen schaffet und In auch darzuo haltet unverzogenleich, daz er dem egenanten Oswalten an den vorgenanten wein kain Irrung tuo, und In mit den egenanten wein seinen fromen schaffen lazz als billeich ist und dawider nicht tut. Das maynen wir. Geben zo Korn Newnburg an Samstag vor Oculi in der Vasten Anno domini millesimo quadringentesimo undecimo. dominus dux per se.

Source Fulltext: Peter Peusquens