Wir Albrecht, von gotes gnaden, Roemischer Kuenig zu allent-zeiten merer des Reichs, ze Ungern, ze Behem, Dalmacien Croacien etc Kuenig, Hertzog ze Oesterreich etc. Embieten unsern getrewn lieben. Hansen dem Steger, unserm Burgermaister ze Wienn, und allen andern unsern Ambtleuten, den der brief getzaiget wirt. Unser gnad und alles gut. Als man unserm getrewn Bertelmen dem Scharrach, unserm Burger ze Prespurg, weinstekhen und ander holczwerch fur zwaintzig oder vierundzwaintzig phunt phenning ze Wienn, kauffen, und bestellen wirt. Emphelhen wir ew, und wellen ernstleich, daz Ir Im dieselben weinstekhen und holtzwerch, auf dem Wasser dahin gen Prespurg furn lasset, und In daran nicht hindret, noch irret, wan wir Im des ditzmals, von gnaden gegunnet haben. Daran begeet Ir unsern willen. Geben an Eritag nach sand Joergen tag. Anno etc. tricesimo nono, unserr Reiche Im andern Jar. under unserm Insigl, das wir in unserm furstentumb Oesterreich geprauchen. com(missi)o propria d(omini) r(egis)

Source Fulltext: Peter Peusquens