Wir Fridreich von gotes gnaden Romischer kunig zuallentzeiten Merer des Reichs Hertzog ze Oesterreich ze Steir ze Kernden und ze Krain Graf zu Tirol etc. Embieten den Erbern weisen, unsern lieben getrewn..dem Burgermaister, dem Richter und dem Rat zu Wienn, oder Irn Anwelten, die bey derselbenunsrer Stat Gruntpuoch sitzend, den der brief getzaigt wirt, unser gnad und alles gut. Als unser getrewr, Andre der Hiltprant unser Burger zu Wienn, weilent Annen, sein vordre hausfrawen, umb vierhundert phunt wienner phenning, Irer haimstewer und verlorens guots, auf sein haws daselbs zu Wienn, an sant Peters freithof, zenachst dem Tumprobsthof gelegen genant des Straiherhaws hat geweist, und dasselb haws, nach der egenanten Annen abgang, von Pauln dem Ploechlein und Ursulen seiner Swester, Felixen von Voytsperg hausfrawen, derselben Annen geswistreiden, als den nachsten Erben und frewnden umb ain Summ gelts, daran Si wol hat benugt, geloset hat nach begreiffung der brief darueber gegeben, Emphelhen wir ew und wellen ernstleich, seid derselb Andre, soliche ablosung getan hat, nach lautt der egenanten brief, daz Ir In dann desselben hawss ledicleich in der stat Gruntpuch nutz und gewer schreibet. Dann begeet Ir gentzleich unser maynung. Geben zu der Newnstat, an Mittichen nach sant Erasems tag, Anno etc. quadragesimo unsers Reichs Im ersten Jar under unserm Insigil das wir in unserm fürstentum untz her gepraucht haben. com(missi)o domini Regis, Conrado de Kraig, magistro curie, referente.

Source Fulltext: Peter Peusquens