Wir Stephan von gotes genaden pfallczengraf bey Rein und herczoge in Beyern etc. bechennen und tun ku^ent offenlich mit dem brif fu^er u^ens und all u^enser eriben und nachko^emen ewiklich, als u^ens der edel u^enser besunder lieber Lewtolt von Meissaw¹ obrister schenkch in Osterrich, seine hernachgeschribne gu^eter und gu^elt: dez ersten in dem Chowolcz² auf behawsten gu^etern und auf burkchrecht achczehen schilling pfenning; item zu Spilberkch³ bei der Pyelach⁴ auf zwain behawsten gu^etern auch achczehen schilling pfenning; item zu den Mairhofen⁵ auch auf behawsten gu^et und purkchrecht drew pfunt sibenczik pfenning; item zu dem Zuefang auch auf einem behawsten gut ein pfunt pfenning; item zu Pyelaperg⁶ auch auf behawsten gut vi^er pfunt sechs schilling pfenning allez Wiennêr mu^enzze. Die egen(anten) guter und gult alle von uns und dem fu^ertentumb zu Beyern geent zu lehen und in die herschaft Wolfstein geho^erent yeczo mit seinen briefen redlich hat aufgesannt und uns vleizz(ichleich) gepeten, daz wir die egen(anten) gu^eter und gu^elt alle mit allen iren rechten eren nuczen und gesuchen und mit aller iren zugehorungen nichcz ausgenomen den geistlichen unsern lieben andechtigen . . dem prior und dem ganczen convent dez klosters u^enserr frawn porten zu Axpach des o^erdens von Carthus und in Passawer bistumb gelegen ewikleich aigen und gu^enstichlich freyen wellen. Nu haben wi^er so^elich sein vleizzig pet angesehen und auch fu^ersichtiklich fu^er uns genomen und betracht die strengicheit dez egen(anten) ordens und dez lebens so^elicher personen, die do got dem almechtigen in das egen(ante) goczhaws sind gegeben, und daz auch wir und ein iglicher fu^erste von angeborner gu^et und milticheit allczeit darczu geneigt und willig sein su^ellen, damit solich orden und goczha^ewser, darinne der goczdienst, geistliche ordnung und klosterliche zucht vor andern gru^ent und gehalten wi^erdet, allczeit fu^erbracht und gefu^edert werden, und haben den egen(anten) . . dem prior, dem convent, dem goczhaws daselbs zu Axpach die obgen(anten) gu^eter und gu^elt alle und iglich mitsambt iren vorgen(anten) zugehoru^engen von su^endern genaden und mit rechter gewissen zeitigem rat und gu^eter vorbetrachtung dem lebentigen got und u^enser lieben frawn zu eren und zu lob u^enserr vorvodern selign u^ensern und u^enserr nachko^emen selen zu hail hilff und troste ewiklich geaigent und gefreÿt, aigen und freyen auch wissentlich und in kraft dez brifs. Und dez zu einem ewigen urkunt und gedechtnuzz geben wir in disen brief mit u^ensern anhangunden insigel besigelt. Geben zu Passaw an sand Po^eltentag nach Kristes geburde virczehenhundert und in dem andern jaren.

Source Fulltext: FUCHS, Aggsbach (=FRA II/59, 1906) S. 171-172