Ich U^elreich,¹ obrister marschal(ich) in Osterr(eich), und ich Ott, obrister schenkch in O^esterr(eich), gebrueder von Meissaw, wi^er vergehen offenl(eich) mit dem bri^ef allen lawtn gegenwu^ertign und chu^enftigen, daz der ho^echwirdig herr, her Jo^erig bischof zw Passaw durch unserr di^enst und fleyzziger bet willn geaygent hat u^enserm chloster zw Achspach Carthuser o^erdn dew zehent gelegen auf dem Achswald mit aller irr zu^egehorung, als wir sew von seinen wi^erdn und von seinem gotshaws ze lehn habn gehabt und als sy hernach geschribn stent etc. und dew geschêczt sind zu mittern jar fu^er XIII libras geltz. Da enkegen nem wi^er mit gu^etem willn und mit verdachtm mut ze lehen und all unser eribn und nachkomen unser do^erf genant U^etissenpach² mit aller seiner zu^egeho^erung, da wir auf habn di^ensts IX libras XI denarios, acht meczn magn und geho^ert in unser herschaft gen Ottenslag,³ das unser freyes aygen gewest ist, das zu rechter widerlegung nemen wi^er und unser eribn zu lehen von dem obgenantn hochwirdigen herrn und von seinem gotshaws an gevêrde. Und des zu einem warn u^erku^end geb wir im und seinen nachko^emen den offen brif versigeltn mit unser bayder anhangunden insigel, der gebn ist nach Christi geburd geburd^a virczehen hundert jar darnach in dem achtistem jar an des heilign herrn sand Gregorigntag.

Source Fulltext: FUCHS, Aggsbach (=FRA II/59, 1906) S. 190