Thaman Cholb, Thaman Hager, Hanns Edendarffer, Hanns Gileis, Wolfgang Mêthhawser, Wolfgang Kêsser, Richter zu Weytten,¹ und Andre Richter zu Gênczpach² fällen als erwählte Schiedsrichter in einem Besitzstreite zwischen dem Prior Vincencz der Kartause zu Axpach als dem Vertreter seiner Untertanen zu Seytterndarff³ einerseits und dem edeln Jorig dem Ho^echsteter zu Seytterndarff andererseits nach angestelltem Verhöre folgenden Schiedspruch: item von erst so sprechen wir von der pru^ennst wegen, so sich doselbs zw Seytterndarff peÿ des Ho^echsteter hoff erhebt hat, do dy peym gestannden sind, und nymmbt wais, wie sich das warleich erhebt hat, wie sich das dann alles vergangen und wegeben hat, darumb sullen dy obgenanten paid taill und auch all ander, wer inn denselben sachen verdacht oder weczigen ist, darinn niemant ausgenomen noch hindann gesundert darumbe nu^en hinfu^er chainer zw dem andern nichts zu sprechen zw vadern noch zu suechen haben sullen weder mit recht noch an recht in chainerlay weiss getrewleich und ungeverleich, sunder sew sein darumb frew^entleich verricht und was sich darumbe und dovon scheden schandt scheltwart po^essew nachred wort oder werich, wie sich das von derselben pru^ennst wegen und von andern vergangen sachen wegeben hat unczt auf den hewttigem tag nichts ausgenomen, das sprechen wir alles ab und soll alles frew^entleich czwischen inn allen verricht sein. Auch sprechen wir umb dy czwaÿ taill chrawtzehent zw Seytterndarff auf des prior von Axpach guetern, den sullen sew dem Ho^echsteter sein erben und nachkomen nu^en hinfu^er jêrleich geben und wann derselb Ho^echsteter oder sein anwalt denselben chrawtzehent nemmen und vesen wellent, das sullen sew dem ambtman zu Seytterndarff dreyr ta^eg vor ze wissen tun, das er den lewtten sag, das yeder oder sein anwalt auf denselben tag peÿ seinem chrawtgarten sey, doselbs soll der Ho^echsteter oder sein anwalt inn den chrawttgerten mit ainer stanngen ausmessen und dy czway tail chrawtzehent vessen nach der mass, als gewonhait ist ungeverlich. Auch sprechen wir, ob des prior leutt oder ir herschafft icht ku^entschafft gewunen oder fu^enden, der zw recht genu^eeg wêr, das sew des chrawtzehent frey und ledig scholten sein, als sew u^ens habent fu^erpracht, wie das sy und ir vorvadern denselben chrawtzehent nicht gegeben haben, dew selben ku^entschafft schullen sew fur den vorgenanten Ho^echsteter pringen und im damit erweyssen von hewtigen tag, als der brief geben ist, inner iarsfrist ungeverleich. Auch sprechen wir umb das holcz im Weinperg, darumb sy sto^essig sind gewesen, hab wir uns erkundt, das der vorgenant Ho^echsteter und sein erben und nachkomen darinne habent czway tail von czwain guetern, darauf sein hoff und dy cappellen ligt, dyselben czway tail holcz und leb sullen sew alle iar ierleich vessen und nemen, als inn von czwain guetern zuegepu^erdt in mass, als das die andern nachpawern doselbs zu Seytterndorff vessent und innement, darzue soll inn der ambtan doselbs oder sein anwalt sagen zw rechter zeit, so ander nachpawern iren taill nement, und sullen auch dasselb holcz yeder nu^eczen und niessen, als das alles von alter ist herkomen und soll chainer an der andern willen und wissen in dem vorgenanten holcz nichts abslachen noch lawb rechen nur damit hanndeln und tu^en, als das alles von alter herkomen ist, und chain andrew newung darinne nicht tu^en noch machen alles ungeverlich. Auch hat Niklas zu Seytterndarff des Ho^echsteter hold auch ain taill in dem obgenanten holcz im Weinperg, das er auch nemen und vessen soll als andern nachpawrn. Auch sprechen wir, welher under inn paiden taillen ainer oder weniger den gegenbu^ertigen unsern spruch nicht genczleich stet hielt und dawider têtt, das wissentleich wu^erdt, der wer zu penn vervallen dem lanndesfu^ersten in O^esterreich hundert gu^eldein an alles pegnaden und nachlassen und seinem widertaill vervallen aller seiner gerechtikait in den vorgemelten sachen.$$Siegler: (I.) Thaman der Cholb, (II.) Thaman der Hager, (III.) Hanns Edendarffer, (IV.) Hanns Gileis, (V.) Wolfgang Mêthawsser, (VI.) Wolfgang Kêsser und für Andre Richter zu Gênczpach(VII.) der edel Wolfgang Vo^elderndarffer. 

Original dating clause: an sand Margrethentag der heyligen iunkchfrawnn

Language: Deutsch

Notes: