Wir Wilhalm von Frawnberch, brobst ze Ardakcher vnd das capitel doselbs wechennen mit dem prif allen, den er fürchumpt, daz der ersam geistlich pruder Paul prior zu Gämnikch vnd alz conuent doselbs nach vnser vleizzigen pet geurlaubt habent vnserm läwten dacz Predel prennholcz vnd czaunholcz ein notdurft zu irn häwsern vnd nichtz hin ze geben also weschaidenleich, daz si dazselb holcz schullen nemen in irn pergen vnd wälden an der stat, do in ir vorster hin czaigt, irn läwten vnd irr sat vnd irm wysmad vnd czäun, di darumb gelegen sind, an schaden vncz auf ir widerrufen. Nämen dez dy irn icht chainen schaden, den schullen si oder di irn gewalt habent nach weschauung freuntlich erchennen vnd werichten, vnd schullen auch die vorgenanten predler irm gotzhaws ze Grämnich hilfleich vnd werait sein yder nach seinen stäten alz vor gewondleich gewesen ist. Mit vrchund dez briefs wesigelt mit des obgenanten capitels zu Ardakcher anhangvnden insigel. Der brief ist geben, do man czalt von Christi gepurd dreuczehen hundert iar darnach in dem newn vnd achtzigisten iar an sand Michels tag.

Source Fulltext: FRIESS, Ardagger (AÖG 46, 1871) S. 526