Franciscus, miseratione divina tituli sanctorum Nerei et Achillei, sanctae Romanae ecclesiae presbyter Cardinalis, Sfondratus nuncupatus, ad invictissimum principem Carolum Romanorum imperatorem semper Augustum ac universamGrermaniam sanctissimi domini nostri Pauli papae III. et apostolicae sedis legatus de latere. Ad perpetuam rei memoriam. Ad exsequendum pastoralis officii debitum solicitis studiis intendentes ad ea libenter partes nostri ministerii interponimus, per quae ecclesiae inesse conseruari possint et ut illa optatum sortiantur effectum, cum a nobis petitur, favorem apostolicum, cuius legationis officio licet insufficientibus meritis fungimur, libenter impartimur. Exhibita si quidem nobis nuper pro parte dilectorum nobis in Christo decani et capituli collegiatae ecclesiae de Ardacker, prouinciae Austriae, Pataviensis dioeceseos petitio, quod cum fructus, redditus et prouentus dictae eorum ecclesiae et illius capituli a paucis annis citra propter bella continua et incursiones Turcharum et etiam ex eo, quia quarta pars eorundem fructuum vigore literarum apostoli carum indulti serenissimo principi Ferdinando, regi Romanorum gratiose concessi alienata existit, ita et taliter diminuti fuerint, ut ex duodecim praebendis, quae in eadem ecclesia existunt, sex personae vix possint se sustentare, et sicut eadem expositio subiungebat, si duo canonicatus et duae praebendae priores, quos quondam Stephanus Allinger, et posteriores, quos Leopol dus Holfues, eiusdem ecclesiae canonici, dum viverent, obtinebant, per eorundem Stephani de Septembris et Leopoldi prae dictorum respective obitus extra Romanam curiam de Januarii respective mensibus proxime et immediate elapsis defunctorum vacantes supprimerentur et extinguerentur et fructus eorundem mensae capitulari pro sustentatione aliorum canonicorum apud eandem ecclesiam residentium inter se dividerentur, appropria rentur et applicarentur; ex hoc profecto eorundem exponentium commoditatibus plurimum consuleretur, nec propterea dicta ecclesia in divinis aliquod damnum seu detrimentum pateretur. Quare pro parte dictorum exponentium nobis humiliter suppli catum fuit, ut supradictos canonicatus etpraebendas modo prae misso vacantes supprimere et extinguere, illorumque fructus, redditus et prouentus mensae capitulari pro aliis canonicis apud eandem ecclesiam residentibus applicare et appropriare aliisque in praemissis opportune providere de benignitate apostolica dignaremur. Nos igitur ad infra scriptas predictae sedis literas, ad quarum insertionem non tenemur, sufficienti facultate muniti eorundem exponentium commoditatibus consulendo, supradictos canonicatus et praebendas sicut praemittitur sive alio quovis modo, aut ex alterius cuiuscunque persona seu per liberas dictorum quondam Stephani et Leopoldi seu quorumvis aliorum de illis extra Romanam curiam etiam coram notario publico et testibus sponte factas resignationes vacent, etiamsi tanto tempore vacarint, quod eorum collatio iuxta Lateranensis statuta concilii ad eandem sedem esset legitime devoluta, ipsorum canonicatus et praebendae dispositioni apostolicae specialiter vel generaliter reservati existant, ex causis praeallegatis et expressis auctoritate apostolica nobis concessa et commissa, qua fungimur in hac parte, tenore praesentium supprimimus et extinguimus, illorumque fructus, redditus et proventus mensae capitulari dictae ecclesiae pro sustentatione aliorum canonicorum apud eandem ecclesiam pro tempore residentium aequis inter se dividendis portionibus perpetuo applicamus cet appopriamus, decernentes ex nunc quascunque collationes et provisiones et alias dispositiones de supradictis duobus canonicatibus et duabus praebendis, sic ut praemittitur, per nos suppressis et extinctis cuiuscunque etiam per sedem apostolicam de cetero faciendas nullius roboris vel momenti, et de cetero numerum decem canonicorum duntaxat in eadem ecclesia fore et esse et sic per quoscunque iudices sublata eis quavis aliter iudicandi et interpretandi facultate et auctoritate iudicari et interpretari debere. Irritum quoque et inane quidquid secus super hiis a quoque, quavis auctoritate scienter vel ignoranter contigerit attentari, non obstantibus constitutionibus et ordinationibus apostolicis ac statutis et consuetudinibus dictae ecclesiae etiam iuramento, confirmatione apostolica vel quavis firmitate alia roboratis ceterisque contrariis quibuscunque. Datum Augustae (Vindelicorum) a nativitate domini millesimo quingentesimo quadragesimo septimo, die vero vigesima nona mensis Augusti pontificatus praefati sanctissimi domini nostri Pauli papae III. anno tercio decimo.

Source Fulltext: FRIESS, Ardagger (AÖG 46, 1871) S. 558-560