409.

Ich Chvnrat der ivnge Aglaier burcgraf von Gortzach vergihe vnd tun chvnt allen den die disen brief an sehent oder horent lesen, daz Reimbrecht burger ze Lok der min vreierman waz, sich vnd siniv chint von mir geloset hat vmb acht march alter Aglaier Pfen ninge an daz gotshaus ze Frisingen da auch min herre der ersam bischof Emche des selben gotshauses sin gut vnd sin hilfe zu gegebn hat mit der be«chaidenhait, daz Reimbrecht vnd siniv chint furbaz von mir vnd von minem vater vnd allen minen erben vrei vnd ledich sol sin an alle viderrede vnd verzeihe mich auf in aller der ansprache die ich nach im gehabt hau oder von dehainen sachen noch gesfichen mochte, vnd verbinde auch mich dar zu daz ich mins herren des bischofs von Frisingen vnd sines gotshauses rechter gwer sol sin hinfvr des selben Reimbrechtes vnd siner chinde swa ich ez ze rehte tin sol. vnd waer auch daz min vater her Chvnrat oder ander min erben dehain ansprache nach dem selben Reimbrechten oder nach sinen chinden süchten, des gib ich ze burgen hern Chünraden mines vetern svn buregrauen ze Lok dem vorgenanten minem herren dem bischof, swelhen schaden er vnd sin gotshaus dar an naeme des sol er ir rehter gwer furbaz sin an miner stat, vnd gib ze einem vr- chvnde vnd ewiger staetigvng dar vber disen brief mit minem vnd des selben hern Chvnrats insigeln versigelten, mit den geziugen die her nach stent, min herren graf Gerhart der tûmprobst von Frisin-

Fnote». Abthliç. II. Bd. XXXI. 29

450

gen, graf Emche probst von Werdse vnd der edel herre graf Hauch ▼on Montfort, Albrecht der richter vnd Dietrich der amman ze Lok vnd ander biderbe laeute, vnd ist der brief gegebn vnd diu taedinch geschehen ze Lok do von Christes geburt warn tausent iar, zwai- hvndert iar vnd in dem fvnften vnd nivntzigistem iar, an sant Gre gorien abent in der Vasten.

Orig., Pgt., von 2 angbgt. Sigeln nur Nr. 1 ala Fragment vorhanden, k. Reichsarchiv zu München; Meichelbeck II./2. 143, Nr. 225.