389.

Ich Ott von Zinzendorf, vnd ich Heinrich wir ped brûder vnd ich Daniel von Petzenchirchen vnd ich Hauch von Prespach wir

425

veriehen an diesem prief vnsem herren dem bischof Emchen von Vrising, daz wir porgen sin worden vnuerschaidenlichen vur Hein rich den Hubaer der in siner vanchnûss ist gewesen, also daz er lant vnd levten an allen schaden sol sin vnd er vnd all sin vrevnt aller der vrevnt soln sin die an siner vanchnûss schuldich sint gewesen, vnd des bischofs gut von Vrising vnd sinen levt vnbechvmbert sûlen sin mit chlag oder mit werchen von dem selben Heinrich vnd von sinen vrevnten vmme di sache, vnd praech er aber daz indert mit worten oder mit werchen, so svlen wir svldich sin sehtzich pfund pfenning dem vor genanten herren bischof Emchen von Vrising oder sinen nachchomen vnd sinen schaden abtun, vnd als olït er ditze ge- Ivbd prichet, als о IN geben wir vns svldich sehtzich pfund zegeben dem vorgenannten herren oder sinen nachchomen ob er niht ist, vnd sinen schaden abtun des man in mit reht vberuaren mach, vnd haben auch gelobt vur in zantwrten vmme des lants schaden des er mit reht vnd mit guter gewizzen vberuaren wirt. Dar vber daz diez ge- lvbde staet belibe, ich Ott vnd ich Heinrich von Zinzendorf geben disen prif versigelt mit vnsem hangentem insigel. Disiv taidinch sint geschehen dacz Waydhouen, nach vnsers herren [púrtt tausent iar, zwaihvndert iar, in dem vumf vnd ahtzigst iar, des Samcztages in der Osterwochen. Des sint gezevg graf Gerhart probst von sand Andre dacz Vrising, probst Friderich von Mosburch, probst Emch von Wertse, maister Rudger chorherr von sind (!) Andree, her Ott der pfarraer von Nivnhoven, her Ekkart von Vichdorf, her Chvnrat von Vanstorf, her Albreht der Protaer, Ott von Tannberg, Ott von Aistorf vnd sin bruder Rûdger, Jevbart von Perwestorf, Philipp der Hagaer vnd ander vrum levte.

Orig., Pgt., 2 anhgde Sigel, k. k. geh. Haus.. Hof- und Staatsarchiv zu Wien.