Ich Ott von Totzenpach vnd Philipp mein Brueder wir veriehen an disem brief, das wir mit wol bedachtem mu^et vnd mit aller vnnser Erben guetlichem willen dem Abbt vnd der Samnung zu Pawngartennberg haben aufgegeben Alles das recht, das wir haben gehabt an dem gu^et auf der haid in dem Vorst. Vnd darumb haben vns di vor genannten herren gegeben zwai phund Wiener phenning vnd sein auch wir desselben gu^ets derselben Samnung gwer nach lannds Recht. Vnd zu ainem waren vrchund diser Sach Geb wir demselben Gotshaws disen brief Bestetiget vnd versigelt mit vnnser baider Inusigel. Des sind gezewg her hainreich der Lonstarffer, her Ott von smidbach, Bernhurt vnd hainreich die Jesnitzer, Albrecht der Vihdorffer, Rueger, Karl vnd Hainreich die weichsl pechen vnd darzu manig pidwerman. Der brief ist gegeben, do von Crists geburd erganngen waren drewtzehen hundert Jar, dar nach jn dem zwaintzigisten Jar des Suntags an Aller mann Vaschanng.

Source Fulltext: OÖUB 5 (Wien 1868) S. 259, Nr. 268