Ich Fridrich der Redler hern Fridrichs Sun des alten Redler von Sichtennberch vergich vnd tuen kundt allen den, die nun sind vnd hernach kunfftig werden, die disen brief sehend, lesend oder ho^eren lesen, das ich mit verdachtem muet, do ich das wol mocht getuen, vnd mit frawen Gerdrawten meiner hausfrawen vnd aller meiner Erben guetlichem willen gegeben han vnd geschafft dem Gotshaws vnd der Samnung datz Pawngartennperg zu einem ewigen Seelgeret mir vnd der vor genannten meiner hausfrawen vnd dem vorgenannten herrn Fridrichen meinem Vatter, dem got genad, vnd aller vnnserr vodern Seel meinen hof in dem Vorst bey Sand Liennhart, der da haist der Althof, versuecht vnd vnuersuecht, der mich angeuallen ist zu rechter fürzicht getailt, den der vorgenant mein vatter her Fridrich vnd ich jnn haben gehabt in stiller gwer dreissig iar vnd mer, mit so getaner beschaidennhait, das derselb hof mit alle dev vnd darzue geho^ert versuecht vnd vnversuecht, wesenn sol des vor genannten Gotshawss vnd der Samnung datz Pawngartennperg ledigclich vnd an all Ansprach mein vnd aller meiner Erben also, Wer desselben Closter Abbt vnd phleger ist, der sol der Samnung von demselben hof einen ganntzen dienst geben ja^erlich an Sand Colmans tag vnd sol auch desselben tags indemselben Closter ein jartag beganngen werden dem vor genannten hern Friderichen meinem Vatter, mir vnd meiner hausfrawen der vor genannten vnd aller vnnser vodern, als gewonhait ist in grabem ordenn. Gescha^ech dez nicht, so sullen sich die herren der Abbt vnd die Samnung von lienveld des hofs vnndterwinden alslanng, vntz die Sawmchait baid an dem dienst vnd an dem Jartag gepessert werd vnd nicht lennger. Vnd bin auch ich vnd mein Erben desselben Gotshawss vnd der Samnung des vor genannten hofs Gwer nach Lannds Recht, wo in des durft vnd not wirt. Ta^et in darüber den hof yeman zu krieg, der sol dem Erbern herren hern Jannsen von Cappell, der des vorgenannten Gotshawss an des Lanndsfürsten stat Vogt ist oder seinen Erben, ob er nicht Enwer, geben zu rechtem Satz Viertzig phundt Newer Wiener phenning ja^erlich an Sannd Michelstag zu lesen an alles geuêr. Vnnd sol dann der vor genannt her Janns von cappell oder sein Erben dieselben phenning nach der Samnung Rat zu Pawngartennperg legen ze nutz dem Gotshaws an ein annder Aigen, dauon das vorgenannt mein Seigeraˆt ganntz vnd stêt beleib. Vnd darumb, das dise red sta^et vnd vnzebrochn beleib, so gib ich dem vor genannten Gotshaws vnd der Samnung disen brief zu einem waren Zewg vnd Vrchund bestetigt mit der Erbern herrn Innsigell herren hansen von Cappell, hern Vlreichs von Gruennburch, herrn Otten von Czelking, den die sach wol kundt ist, vnd darnach mit mein selbs Insigell. Das ist geschehen, do man von Crists geburd zalt drewtzehen hundert Jar, darnach in dem Vier und tzwaintzigisten Jar an sand Cholmanstag.

Source Fulltext: OÖUB 5 (Wien 1868) S. 409-410, Nr. 412