Ich Hainreich von Kirchstegen, jch Vlreich, jch Andre, ich Friedreich wir vier bru^eder Dielreichs sün von Kirchstegen wir verjehen, das wir mit guetlichem willen vnsers brueders Marcharts vnd all vnnserer erben ze chauffen haben geben vnuerschaidenleichen vnd lediclichen vnnsern hof datz Kirichstegen vnd zwo hofstet darzu, des ist an zwelf phenning fünff schilling gelts, die in denselben hof gehörend, der vnnser freyes aigen gewesen ist, mit alle den rechten vnd nutzn, vnd darzue geho^erent dem erbern herrn hern Albern von Volckenstorf vnd seiner stift dem spital datz Bawngartenperg vmb newntzig phund phenning vnd vmb zway phund phenning wiener münss, der wir gantz vnd gar verricht vnd gewert sein. Wir sullen auch desselben hofs herrn Albers von Volkennstorf vnd des vor genanten spitals gwêr sein, wo im oder demselben spital des durfft geschiecht, als aigens recht ist jn dem lannd zu Osterreich. War aber, das vnnser nachkomen ymt ka^em vnd wolt ein pesser recht an dem vorgenanten hof haben, derselb sol denselben hof lo^esen von hern Albern von volchennstorf oder von dem vor genanntn spital vmb zwai hundert phund Wiener phenning. Vnd das hern Albern von Volchennstorf vnd seiner stift dem vorgenannten spital ze Pawngartenperg die sach vnd die wandlung also sta^et vnd vnzerbrochen beleib von vns, darüber so gib ich vorgenannter Hainreich von Chirichstegen, jch Ylreich, jch Anndre, jch Fridreich wir vier vorgenannt briieder des egcnantn Dietrichs su^en von Chirichstegen jm vnd dem spital den offenn brieff zu einem warn vrchund vnd zu einer ewigen stetigkait versigelt mit vnnsern anhangunden innsigeln. Der sach vnd der wandlung sind gezewg mitsambt iren anhangunden innsigeln di erbern lewt, dy mit nam an dem brief verschriben sind, her Chunrat von Flachenneckh, her Wetzel von Erwing, her Lorentz der O^eder (ze) den zeiten Lanndtrichter in dem Machlanndt, Hartmut der Fleischess, Hainreich der Fleischess sein brueder, Weichart der allt Lanndtrichter, Marchart von Chirichstegen vnnser brueder, mit des gunst vnd des guetlichem willen die wanndlung, als vor geschriben ist an dem brief, geschehn ist. Vnd darzu sind auch gezewg annder erberr lewt genueg, den die wanndlung vnd der chauf wol kundt vnd gewissenn ist. Der brief ist geben, do man zallt von Crists geburd drewtzehen hundert jar vnd darnach jn dem acht und viertzigistenn jar an sand Gilgen tag.

Source Fulltext: OÖUB 7 (Wien 1876) S. 63f, Nr. 69