Ich O^ett pu^erger dacz Ybs ztenzZeiten hern Dyetreichs des alt richter dyenner ze Ibs vnd ich Margrede sein hau^esvrow^e vnd alle vnser erben wier veriehen vnd tu^en chv^ent allen la^ewten offenbar mit disem gegenbu^ertigen prief allen den, di in sehent, lesent oder ho^ernt lesen, di nv^e lebent oder her nach chu^enftig werdent, daz wir bestanden haben êwichleich von dem erwi^erdigen herren abt Reinharten zten zeiten abt dacz Pav^engartenperig vnd von dem ganczen conuent da selb ain fleische panch, di gelegen ist ze nachgst der panch, di da leit pei der pu^erger panch mit solicher beschaidenhait, daz wir in alle jar ewichleich von derselben panch dienen schullen vnuerczogenleich sechczikch phenning alter wienner mu^enzz an dem heiligen weinnachtabent in oder swem sew di phenning schaffent oder swer den prief inne hat, wier seczen in auch ze êbentewer fu^er di sechczikeh phenning geltes vnser haw^es, daz gelegen ist an dem maricht dacz Ybs ze nachgst des Cherspa^ewmer ha^ews also beschaidenleich, ob wier oder vnser erben oder wer daz vo^ergenant haw^es vnd di vorgenant fleischepanch nach vns inne hat, den obgenanten herren di seehczikeh phenning nicht dyenten an dem vo^ergenanten tag, so schol des mo^ergens zehant ze wandel darauf gevallen sein sechczich phenning. waer aber daz, (daz) dienst vnd wandel gestund sechs wochen, so sind der phenning sechs schilling. Swanne di sechs wochen danne auz cho^ement, geb wir oder wer daz hau^es vnd die panch nach vns inne hat, danne dienst vnd wandel nicht, so schol ze hant der richter, swer zten zeiten richter ist in der statze Ibs, auf dem obgenanten hau^es vnd auf der vo^ergenanten panch phenden vnd schol den vo^ergenanten herren, oder swer den prief inne hat, phant geantwu^erten von dem hau^es vnd von der panch an chlag, an fu^erbot vnd an alles recht mit vnserm gu^etleichen willen als verr, vncz daz sev dienstes vnd wandels gancz vnd gar gericht vnd gewert werdent, vnd ist di wandlunge geschehen mit dez erbern mannes hant vnd mit seinem gu^etleichen willen hern Jansen zten zeiten richter dacz Ybs, hern Dyetreichs sv^en, dem man daz pu^erchrecht geit in daz gericht von dem hau^es vnd von der panch, oder swer richter ist ze Ibs in der stat von vnsers genaedigen herren wegen dez herczogen von O^esterreich. Daz dise rede vnd die wandlunge also ymmer ebichleich staet vnd vnzebrochen beleib, des gib ich vo^ergenanter O^ett vnd ich Margrede sein ha^eusvrowe den obgenanten herren disen prief zv^e einer sicherhait vnd zv^e einem v^erchund der sache, versigelten mit des vo^ergenanten hern Jansen zv^e den zeiten richter ze Ibs anhangundem insigel, der des hau^es vnd der panch rechter gruntherr vnd perchherre ist, oder swer richter ist in der stat ze Ybs, vnd ist des gezeug her Dyetreich der alt richter dez obgenanten hern Jansen vater mit seinem anhangundem insigel, wand wier aygens insigels nicht enhaben, verpint wier vns mit vnsern trewn vnder di vo^ergenanten zwai insygel allez daz staet ze haben vnd volfueren, daz vo^er geschriben stet. Der prief ist geben nach Christi gepu^erde dreuczehen hundert jar, darnach in dem fu^emfczkistem jar an sand Symons abent.

Source Fulltext: OÖUB 7 (Wien 1876) S. 207ff., Nr. 207