Wir Albrecht von Gots gnadn hertzog zu O^esterreich zu Steyr vnnd zu Kernnden thuen chundt vmb die prunnstat vnd den prunn, der in der geistlichen lewt von Pawngartennperg closter rynnet vnd auch zwen fleckh darüber derselb prunn gelaitt ist, die vnnser getrewen die Fleischessen von vns zu lehen gehabt habent vnd die sy vnns habent aufgeben, das wir die aigennschaft desselben prunnes derselben prunnstadt vnd der zwaier fleckh durch Got vnd durch vnnser vnd vnserer vodern sel hail willen geben haben vnd geben auch mit disem brief dem abbt vnd dem conuent ze Pawngartenperg fürbas in aigenns gewer jnne ze haben vnd ze niessen vnnd allen iren frumen damit zu schaffen als mit annderm aigen guet, das zu jrem closter geho^ert. Mit v^erchundt ditzs briefs. Geben zu Wienn an sannd Pauls tag als er bekert ward, nach Cristes geburd drewtzehenn hundert iar, darnach in dem sechs vnd funfftzigisten iar.

Source Fulltext: OÖUB 7 (Wien 1876) S. 431, Nr. 423