CCLXXXIV.

Ich Nielas der Scharff vnd ich Kathrey sein hausurow vnd alle vnser erben vergehen vnd tün chund allen den, die den brief le sent oder hörent lesen, daz wir mit gutem willen, mit verdachtem müt vnd mit gesampter hant, zu der zeit, da wir es wol getün mochten, vnd mit vnsers purchherren hant des erbern herren hern ChadoÜx von Ekcharsaw des eltern verchouft haben vnsern weingarten, ge legen ze Ringendorf vnd haizzet der Raiual weingarten, der weilen Vlreichs von Stainaprunne mein egenanten Katrein Vater gewesen ist, zenechst Chunrats weingarten des Enen, da man alle Jar von dient sechs wienner phenning an sant Michelstag ze purchrecht vnd nicht

327

mer. Denselben weingarten haben wir Recht vnd redleich verchouft vnd geben mit allen dem nutz vnd rechten, als wir in vnuersprochen- leich in purchrechts gwer herpracht haben, vmb Dreutzehen phunt wienner phenning, der wir gantz vnd gar gewert sein, dem vesten Ritter hern Otten dem Floyt von Parsenprunne vnd seinen erben, furbas ledichleich vnd freileich ze haben vnd allen iren (rumen damit ze schaffen, verchouffen, versetzen vnd geben, swem si wellen, an allen irrsal. Vnd durch pezzer sicherhait so setzen wir vns, ich ege- nanter Nieblas der Scharff vnd ich Katrey sein hausurow vnd ich Jans von Lawchsueld vnd alle vnser erben, vnuerschaidenleich vber den vorgenanten weingarten dem egenanten hern Otten dem Floyt vnd seinen erben ze rechten gwern vnd scherm für alle ansprach, als purchrechts recht ist vnd des Landes recht ze Osterreich. Wer aber, daz si an dem vorgenanten weingarten icht Chrieges oder an sprach gewunnen, von wem das wer, mit recht, waz si des schaden nement, daz suln wir in alles ausrichten vnd widerchern an allen iren schaden, vnd sullen si ouch das haben ouf vns vnuerschaidenleich vnd ouf allem vnserm gut, das wir haben in dem Lande ze Osterreich, wir sein lebentich oder tode. Vnd daz der Chouf furbas also stet vnd vntzebrochen beleib, darüber so geben wir in den brief zu einem warn vrchund der sache versigilten mit vnsern baider Insigiln vnd mit Jörigen Insigil des Porawer, der der sache gezeug ist mit seinem In- sigil, im an schaden. Der brief ist geben ze Wienne nach Christs gepurt Dreutzehen hundert Jar darnach in dem acht vnd sechtzigi- sten Jare, des nechsten Sambstages vor der Liechtmesse. Original auf Pergament mit drei Siegeln.