CCLXXVI.

Ich Jans der Sneyder vnd ich Margret sein Hausvrow vnd vnser Erben Wir vergechen offenleichen an dem brief, Daz wir vnuerschai- denlich gelten sullen hern Mat hatten, Wolfharts Sun тon Ruspach, Chorherr ze Prespurch, Sechtzehen phunt wyenner phenning, die gaebieh sind, vnd die er vnsauch berait durichtrew vnd durich gut geli ehen hat, vnd damit wir auch zwai phunt wyenner phenning gelts ewigs Purchrechts, di wir von vnserm haws, gelegen bey der Hymel- parten ze wyenn auf dev Hulm, vormals gedient haben, abgeledigt vnd gelöst haben, ain phunt von den erbern geistlichen vrown datz sand Larentzen ze wyenn vnd ain phunt von.den erbern geistlichen vrown datz saud Jacob auf der Hulm ze wyenn, vnd darvmb so haben wir, ich egenanter Jans der Sneyder vnd ich Margret sein Haus- urow vnd vnser erben, dem egenanten hern Mathesen vnd seinnen Pruder n oder seinen erben zway phunt wyenner phenning gelts purch rechts verschriben vnd verschreiben auch im, seinen Pruder vnd seinen erben, oder swem er di schafft oder geit, zwai phunt wyenner phenning gelts purchrechts mit vnsers Gruntherren hant des erbern manns hern Christ ans des Poherlitzer, ze den zeiten Amptman der Schotten Gut ze wyenne, auf vnserm haws, das vorgenant ist, gelegen bey der Hymelparten ze wyenne auf devHulm, daz weilen des Müns eer gewesen ist, zenäst dem Haws, das weilen Andres des Verbetschen gewesen ist, vnd do man von dem egenanten vnserm Haws alle Jar dient den Erbern geistleichen herren datz den Schotten ze wyenne vier wyenner phenning zeGruntrecht, und den erbern geistleichen herren datz dem Heyligenchräutz zway phunt wyenner phenning gelts ze Purchrecht vnd nicht mer. Es sind auch die egenanten zway phunt wyenner phenning gelts purchrechts fuerbaz alle Jar davon ze diennen ze drin Taegen, an sand Jorgentag, an sand Mychelstag vnd ze weichnachten, ye ze dem Tag zehen vnd fumf Schilling wyenner phenning, mit alle den nutzen vnd Rechten, als man ander Purchrecht dient in der Stat ze Wyenne, vnd sind auch mit dem ersten dienst anzeheben an sand Jórgentag, der nu schirist chumt. Vnd swenn

317

der dienst versezzen wirt, so ist denn furbas ye ze viertzehen Tage darauf ze vragen vnd zwispil darauf ze behaben, als vmb versezzens Purchrecht Recht ist vnd der Stat recht ist ze Wyenne. Vnd sind auch abzelosen, swenn wir oder vnser nachchomen daz tun wellen oder mugen, ye ain plumt Gelts mit acht phunden wyenner phenning vnd den nästen dienst damit, der davon ze dienen gewellet, an allen cbrieg. Es sol auch der egenant her Mathes vnd sein Pruder vnd Erben, oder swem Er di zwai phunt Gelts schafft oder geit, auf dem egenanten vnserm haws furbas ledichleichen vnd vreileichen haben vnd allen irn frumen damit ze schaffen, verchauffen, versetzen vnd geben, swem seu wellen, an allen chrieg vnd irrsal. Wir sein auch vnuer- schaidenleich mitsampt vnsern Eriben der zwair phunt wyenner phen ning gelts purchrechtsauf dem egenanten vnserm Haws ir recht Gewern vnd scherm fur alle ansprach, als purchrechts Recht ist vnd der Stat Recht ze Wyenn. Get in furbaz daran icht ab mit Recht, das schul ten seu haben auf vns vnuerschaidenlich vnd auf allem vnserm guet, daz wir haben in dem Land ze Osterreich, wir sein lebentig oder Tod. Vnd wenn wir selb nicht aygens Insigils enhaben, darvber so geben wir In den brief ze einem offen vrchund der sach versigilt mit des egenanten vnsers Gnmtherreu Insigil des erbern manns hern Christans des Poherlitzer, ze den zeiten Ambtman der Schotten Gut ze Wyenne, vnd mit des erbern manns Insigil hern Jacobs des Mundoffen Purger ze Wyenn, di wir des vleizzichleich gepeten haben, daz seu der sachGetzeug sind mit irn Insigiln, in selb an allen scha den. Der brief ist geben ze Wyenne nach Christi gepurd Drewtze- hen Hundert Jar darnach in dem Zwai vnd Sechtzkistem Jar, des nasten Montags var sand Mathye Tag. Original auf Pergament mit zwei Siegeln.