CIV.

Ich Vlreich vnd ich Christein sein Housvrowe, gesezzen in des Chraftes hof ze Wienne, der da leit in der Walichstrazze, wir veriehen vnd tun chunt allen laeuten, die disen brief sehent oder horent lesen, daz wir mitverdahtem mut vnd mit gesamenter hant, ze der zeit, do wir nibt Chinde mit einander heten, vnd do wir iz wol getun mohten, verchauft haben vnserm Gruntherren dem erbern manne meister Chunraten von Lintze, des ze den zeiten div chappelle was ze Sant Pangracien auf des Hertzogen hof ze Wienne, vnd der ouch ze den zeiten des Herzogen Friedreichs von Oesterreich Schreiber was, ein halb pfunt wienner pfenning Geltes ze rechtem purehreht auf vnserm Hous vnd der Hofstat in des Chraftes hof, vnd sein ouch von im aller der werung, der er vns darvmb schuldich was, gar reht vnd redleich gewert. Wir sullen oveh dazselbe halb pfunt dem vorge nanten maister Chunraten vnd seinen nachchomen, die divselben Chappellen danne habent, vnd ouch der Chappellen ze Sant Pangra cien dienen dreistunt alle Jar in alle dem Reht, als man purchreht hie ze Yfienne dient, an sant Jorgen tag viertzich pfenning, an sant Michelstag viertzich phenning vnd ze weichnahten viertzich pfenning, vnd swem dazselbe vnser Hovs vnd die hofstat nach vns wirt, der

125

sol des vorgenanten Halb pfunt Geltes der vorgesprochen Chappel- len, vnd swer da renter Chapplan ist, gebunden sein ewichleich ze dienen mit allem dem Reht vnd in aller der weis, als wir iz ver- cbouft haben und auch da vor geschriben stet. Ich Maister Chun- rat von Lintze, Chapplan ze Sant Pangracien ze Wienne vnd Her- tzog Friedreichs Schreiber ze Österreich, bekenne vnd vergich, Daz der vorgeschriben chouf geschehen ist reht vnd redleichen, als ez da vor geschrieben stet, vnd daz furbaz dehainer slaht Chrieg daran werde vnd ewichleich staet beleibe, so han ich disen brief darvber haizzen schreiben vnd mit meinem vnd mit hern Helmweigs, des die vorgenant Chappelle vor was, Insigeln besigelt. Des sint gezeug der selbe her Helmweich, her Hainreich, her Gerhart, her Perchtram priester, her Chunrat der Witze, her Starchant der Schober, Diet- reich vonNevnburchvnd ander wahrhafter laeut genüch. Der prief ist gegeben ze Wienne, do von Christes gebvrt warn ergangen Drev- tzehen Hundert Jar darnach in dem sibenten Jar, an Sant Mathias tag in der vasten.

Original auf Pergament mit zwei Siegeln.

cv.

1307, 13. Mai. — Konrad der Harmarkter, Hubmeister in Öitetreich, beur kundet einen zwischen ihm im Namen des Herzogs und dem Schottenkloster zu Wien stattgefundenen Tausch von eilf Joch Äcker zu Kirchheim.

Ich Chvnrat der Harmarchter, ze den zeiten Hubmaister in Osterrich, vergich an diesem brief vnd tun chunt allen den, di disen brief lesent oder horent lesen, di nu lebent vnd hernach chunftich sint, daz ein widerwechsel von mir an meins Herren stat, dez Hertzo- gen in Osterrich, vnd dem ersamen Herren apt Wilhalmen dez Gotes- houses vnserr vrowen sandMareien der Schotten zeWienn vmb ainlef jeuchart achers geschechn ist, di gelegen sint datz Chirchaym, vnd ist daz geschehen mit vnser paider gutleichem willen. Vnd daz dise red stet vnd vnuerwandelt beleibe , dez gib ich Chvnrat der vorgenant Harmarchter disen brief zu einem vrchunde vnd zu einem gezeuch diser sache mit meinem Insigel versigeltn. Diser brief ist gegeben, do von Christes geburd waren ergangen Tausent iar drev hundert iar darnach in dem sibenten iar, an den phingest abent. Original auf Pergament mit Siegel.

12(5