CCCVII.

zu Wien gehörigen Ackers schadlos zu halten.

Ich Haug von Drosteten, ze den zeiten Amptman der Schotten gut ze Wienne, vergich offenleich an dem briefe, Daz für mich cham, do ich sas an offem gericht, der erwirdig mein genadiger herr, her Donat abpt des Gotshaus vnser frown ze den Schotten ze Wienne, vnd chlagt mit vorsprechen gegen ainem akcher, des drey Jcuchart wern, gelegen ze Inczesdorff zenást des pharrer akcher daselbs ze Inczesdorff, der auz desselben meins herren Hof zelnczes- dorff, der sein rechts vreys aigen wär, verchaufft war warden, vnd wer an sein wizzen ze fremder hantpracht, als verre, da/, .Jans der pawr von Inczesdorff fas verantwürt, vnd weugert darvmb auf seinen gewern, hern Micheln von Missing, vnd vordert auch den in die gewerschafft, daz er im denselben akcher ausrichten solt, als recht wer, vnd sagt auch do der Amptman von Inczesdorff darvmb sein chantschafft vor offem gericht, als er ze recht solt, daz er in in di gewerschafft geuördert hiet. Vnd do cham her Michel von Mis sing darnach nicht auf antwurt. Do pat der egenant Jans der pawr vragen mit vorsprechen, waz recht wer. Do geuiel mit vrag vnd mit vrtail, seid er hern Micheln YonMissing in di gewerschafft geuördert hiet, vnd er darnach nicht auf antwurt chomen wer, so solt er im auch denselben akcher ausrichten oder widerlegen, als recht wer, vnd solt ich dez demselben Jansen deтpawren mein vrchunt geben, seid im der egenant mein herr den obgenanten akcher mit rechten nöttaydingen anbehabt hiet, vnd solt mir auch der vorgenant Jans der pawr darvmb mein Recht geben, das hat er getan. Vnd wann ich selb nicht aigens Insigels han, darvber so gib ich demselben Jansen dem pawren den brif ze einem offen vrchunt dersach versigilt mit des ege- nanten meins genedigeu herren Insigel, hern Donats abpt dez Gots- haus vnser frown ze den Schotten ze Wienn. Der brieff ist geben ze Wienn nach christi gepurt drewtzehen hundert Jar darnach in dem Sechs vnd Sybenlzgistem iar, des nasten phincztags nach sand Gie- gorii Tag in der Vasten.

Original auf Pergament mit Siegel.

3(52