CHI.

Ich Chvnrad von Lintz, zv den zeiten Schreiber des Hohen fvrsten Herzogen Fridriches von Osterreiche vnd Chapplan vnd Ver weser der Chappellen sand Pangratien, die da leit avf des Herzogen hove ze Wienne, vergibe vnd tvn chvnt allen den, die disen prief lesent oder horent lesen, die nv lebent vnd hernah chvnftich sint, daz ich der vorgenanten Chappellen sand Pangratien vnd mir ge- chavft han wider Hainrichen des praitenvelder Schreiber vnd seine havsvrowen vron Gerdravden ain phvnt wienner phenninge geltes pvrehrehtes avf ir gemavrten Havse, daz da leit hinder der vorgenan ten Chappellen sand Pangratien, vmb zehen phvnt wienner phenninge, der ich sie reht vnd redlichen gewert hau, also mit avzgenomner rede, swanne daz ist, AnzHainrich &vr Schreiber vnd sein havsvrowe vro Gerdravt oder ir erben, ob sie nibt ensint, mir Chvnraden oder firme, der der vorgenanten Chappellen sand Pangracien Chapplan ist, vnd aveh derselben Chappellen gebeut ain ander phvnt Wienner phenninge geltes pvrehrehtes innerhalben der Ringmavre ze wienne, daz ir also maezzich ist, als daz phvnt geltes avf ir havse, so svln sie vnd ir Havs fvrbaz des phvndes geltes ledich sein, vnd sol aveh ich Chrnrat, oder swer der vorgenanten Chappellen sand Pangratien Chapplan ist, in iren prief an alle Widerrede wider geben. Die weile aber des niht geschillt, so sol Hainrich der Schreiber vnd sein havs vrowe vro Gerdravt, oder swer daz vorgenant ir gemavrtes Havs nah in besitzzet, daz vorgesprochen phvnt geltes purchrehtes von dem selben havse dienen mir Chvnraden von Lintz oder deme, der der vorgenanten Chappellen Chapplan ist, vnd aveh derselben Chappellen sand Pangratien ze drien zeiten in dem Jare, achzich phenninge an sand Jorgen tage, achzich phenninge an sand Michels tage vnd ach zich phenninge ze weihenahten mit allem dem reht, als man an der

124

pvrchreht hie ze Wienne dienet, vnd gib in darvber disen prief ze ainem vrchvnde vnd ze ainem gezevge diser sache versigilten mit meinem Insigil vnd mit hern Helmwiges Insigil, der zu den zeiten Ver weser was der chirchen sand Michels ze Wienne, der diser sache gezevg ist mit seinem Insigil, vnd sint avch des gezevg her Gerhart, her Dietrich, her Hainrich vnd herPeihtram die priester, herCArn- rat der Witzze, Starehant der Schoberl, Seibot der Heftier, Minister Vlrich der pogner, Elbel der pogner sein gesweie, Hainrich daz Vmbilde, Ludweig der Schilter, Johan der Gokler vnd ander frvme levte genveh, den dise sache wol chvnt ist. Diser prief ist geben ze Wienne, do von Christes gebvrt waren ergangen Drevzehen Hvndert lar in dem Sibenten Jare darnah, an sand peters tage in der vasten, als er uvf den stvl ze Rome gesatz wart. Original auf Pergament mit zwei Siegeln.