CVII.

Ich Vlreich von Fevchsen vergibe vnd tun chvnt an disen brief allen den, die in lesent oder horent lesen, dev nv lebent vnd hernach chuuftich sint, daz ich mit verdochten mvt vnd mit zeitigem rot, do ichs wol macht tvn, vnd mit meiner Hovsvrowen vern Agnesen gvten willen geschaft han ledichlichen vnd an allen irresal meines rechten aygens dvreh meiner sel wille sibentzich phfenning geltes ewich- leichen ze dienen in vnser vrowenCech ze Wienne datz den Schotten,

-

127

vnd ligent dieselben gvlde dacz Waitzendorf. Des Ersten dient man von einem achker, der gewesen ist des Slerwerchen, Sechs vnd zwaintzich phenning, man dient auch ab einer Hofstat, die gewesen istDyemeins des Chvrtzhals, fvnfzehenphfenning vnd von einem anger vnd von einem akcher.der in Perleins lelten leit, zwaintzich phfenning, man dient von einer Glestat mitten in dem Dorffe drei phfenning vnd von Herleins Pressstat drei phenning, man dient auch von einem weingarten, der do ist des Neizzen von Pulka, drei phenning. Die gvlde dient man alle Jar mit einander an sant Michels tach. Vnd dar- vber han ich Vlreich der vorgenant gepeten die erbern Herren Hern Levtolden von Chvnrhig vnd Hern Chalholclien von Eberstorf Chamerer in Ocstereich, daz si if bald Insigel legen an discv hant fest zu einer bestaetigvm vnd zv einer Sicherhait diser gvlde, wan ich Vlreich der vorgenant meines Insigels bei mir zden selben zeiten nibt enhet. Diser Sach ist zevg Her Greif von Tföenne, Her Chun- rat der Hvbmaister, Her bietreich von Chalmperg Pvrgcr Maisler ге Wienne, Her Dietmar von Holabrvnne, Levpolt der Rostauicher, Hainreich der Waitzendorf er, Her Jacob von Otachrinn, Ott der Hager, Her Marchart der Gnemhcrtel vnd ander biderb Levtgenvch, den diesev sach vnd ditze geschelt wol ch'vnt vnd gewizzen ist. Üiser prief ist gegeben, do von Christes gebvrt sint ergangenTrevtzcnlmn- dert Jar vnd in dem Sibenten, des naechsten Ertages an (sie) aller Hailigen obent.

Original auf Pergament mit zwei Siegeln.