CLXIII.

Ich Sophei hern Wilhalms witib von Poemgarten, dem got genad, vnd ich Ott von Pormgarten vnd ich Agnes sein havsvraw, vnd ich Wilhalm von Pormgarten, vnd ich Hadmar von Poemgarten vergehen vnd tven chvnt alle den, di disen prief lesent oder horent lesen, die nv lebent und hernach chvnftich sint, daz wir mit gesamter hant vnd mit aller vnser erben guten willen vnd gunst cze der czeit, do wier iz wol getven mochten, gewidemt vnd gegeben haben vnsers rechten aigens czwai halbev leben, div do Iigent cze Hurra:, auf vnser vrawen alter cze Gavnestorf, der ain halbz hatFridereich derSchrik- cher, do in gehorent dreitzehen gevchhart achers, do er von dienn schol alle iaran sand Michels tag ie von der gevchhart ainn phenninch vnd von der hofmanch ainn phenninch auf den vorgenanten Alter vnser vrawen cze Gavnestorf, daz ander halb lehen, daz do hat Lcvpolt des Probsts amman von Nevbuerch, do in gehorent sehtzehen gevchart achers, do er von dienn schol ie von der gevchhart ainn phenninch vnd von der bofmarich ainn phenninch alle iar an sandMychels tag auf den vorgenanten alter vnser vrawen cze Gaunestorf, also mit auzge- nomener red, swer div czwai halb lehen hat, daz er div echer doravz verchaufen mach, als ander purkehrecht Echer vnd also, daz dem voigenanten alter vnser vrawen cze Gavnestorf seins dinstes nicht abge. Dorvber durich pezzerr sicherhait so setz wier vns dem vor genanten alter vnser vrawen cze Gavnestorf vner div uorgenanten czwai halb lehen cze rehtem scherm vnd gewer vner allev ansprach, als aigens reht ist vnd des Lants cze oster eich. Daz disev red fuerbaz stet vnd vnezebrochen beleib, so geb wier vorgenanten, ich Ott vnd ich Wilhalm und ich Hadmar wier prueder all drei von Povmgarten, disen prief versigelt mit vnsern insigeln vnd mit vnsers Ohem insigel hern Jansen von Merswanch, der diser sach geczevg ist mit seinem insigel. Der sach sint auch geczevg Obreht von Traunsperch, Dietreich der Haselpech, Christan von Traunsperch, Dietreich vonNarzendorf vnd ander pideber levt genvech, den disev sach wol chvnt ist. Diser prief ist gegeben, do von Christ gepuerd ist ergangen Drevtzehenhvndert iar dornoch in dem dreizzgisten iar, an vnser vrawen tag cze der Liechtmess.

Original auf Pergament mit vier Siegeln.

187