C1I.

Ich Hainrich, des Praitenvelder Schreiber, vnd ich Gerdravt, sein havsvrowe, wir veriehenvnd tvn chvnt allen den, die disen prief lesent oder horent lesen, die nv lebent vnd hernach chvnftich sint,

122

daz wir mit mi-cr erben gvtem willen vnd gvnst vntl mit gesamter hant zv der zeit, du wir iz wolgetvn mоhten, verchavft habeu vnserm Grvntherren maister Chvnradeu von Lintz, der zv den zeiten Schrei ber was des hohen fvrsten Herzogen Fridrichee von Oeterreiehe vnd Chapplan vnd verweser der Chappellen sand Pangracien, die da leit avf des Herzogen Hove ze Wienne, ain phvnt wienner phenninge gel tes pvrchrehtes avf vnserm gamavertemHavse, daz da leit hinder der vorgenanten Chappellen sand Pangracien, vmb zehen phvnt wienner phenninge, der wir reht vnd redlichen gewert sein, also mit avzgenomner rede, swanne daz ist, daz wir,ich Hainrich der Schreiber vnd ich Ger- dravt sein havsvrowe oder vnser erben,ob wir nibt en sein, geben dem vorgenanten maister Chvnradeu von Lintz oder deme, der der vorge nanten Chappellen sand Pangracien Chapplan ist, vnd avch derselben Chappellen ain ander phvnt wienner phenninge geltes pvrchrehtes innerhalben der Rinamavre ze Wienne, daz ir also mezzich ist, als daz phvnt geltes avf vnserm havse, so svln wir vnd vnser havs des phvndes geltes fvrbaz von in ledich sein, vnd svln vns disen prief wider geben an alle Widerrede. Die weile aber des nibt geschult, so svln wir, oder swer das vorgenant vnser gemavrtes Havs nah vns besitzzet, dasselbe phvnt geltes pvrchrehtes yon dem vorgesprochen Havse dienen dem vorgenanten maister Chmtaden von Lhitz oder deme, der der ecgenanten Chappellen sand Pangracien Chapplan ist, vnd a veh derselben Cha pel leu ze drien zeiten in dem Jare, achzich phenninge au sattd Jorgen tage, achzich phenninge an sand Michels tage vnd achzich phenninge ze weihenahten, mit allem dem reht, als man an der pvrchreht hie zeWienne dient.. Vnd wand wir, ich Hain rich der Schreiber vnd ich Gerdravt sein hausvrowe, selbe nibt aigens Insigils haben, vnd wand der vorgenant maister Chvnrat von Lint» des vorgesprochen vnsers havses Stifter vnd stocrer ist, davon so haben wir Im vnd der vorgenanten Chappellen sand Pangratien geben disen prief ze ainem sibtigem vrchvnde vnd ze ainem offen gezevge vnd ze ainer ewigen vestnvnge diser sache versigilten mit sein selbes Insigil vnd mit hern Helmwiges Insigil, der ze den zeiten verweser was der chirchen sand Michels ze wienne, der diser sache gezevg ist mit seinem Insigil, vnd sint avch des gezevg her Gerhart, her Dietrich, her Hainrich vnd her Perhtram die priester, her Chvn rat der witzze, Starchant der Schobert, Seibot der Heftler, maister ylrich der pogner, Elbel der pogner sein gesweie, Hainrich daz

123

vmpilde, Ludweig der Schilter, Juhan der Gokler vnd ander frvme levte genvch, den dise sache wol chvnt ist. Diser prief ist geben ze wienne, do von Christes gebvrt waren ergangen drevzehen Hvndert lar In dem Sibenten Iare darnah, an sand Peters tage, als er avf den Stvl ze Rome gesatz wart.

Original auf Pergament mit zwei Siegeln.