CLXIV.

Ich Otte von Paumgarten vnd ich Agnes sein hausvrowe, vnd ich Sophey dez vorgenanten Otten Swiger, vnd ich Wilhalm vnd ich Hadmar von Paumgarten der egenanten vron Sophein Sfine, wir vergehen vnd tvn chunt allen den, die disen brief lesent oder horent lesen, die nv lebent vnd hernach chunftich sint, da/, wir mit vnser erben guien willen vnd gunst, mit verdachtem mvt vnd mit gesampter hant, zv der zeit, do wr iz wol getun mochten, lauterleich durch gut vnd durch aller vnser vodern sel willen vnd auch durch vnser selber sel hail willen ze hilf vnd ze Trost Recht vnd redleichen gegeben haben auf vnser vrawen alter datz den Schotten ze Wienne vnsers rechten aigens Sechs vnd funftzich Emmer weins Perchrechtes, die da ligent ze Intzeinstorf enhalben dez Wiennerpergs, vnd zohen phenninge vnd dreitzehen schillinge wienner phenninge geltes, die da ligent daselbens ze Intzeinstorf auf weingarten vnd auf gestiften holden, vnd leit ze naechst der vrawen gut von Maernberch vnd des Chranichperger gut von Murekke. Ez sol auch der erber herre apt Mauritz datz den Schotten ze Wienne, oder swer apt nach im wirf, dez vorgenanten gutes recht Stifter vnd stóraer sein. Ëz sol auch der egenant herre apt Mauritz datz den Schotten ze Wienne vnd dev Samnvnge gemain dezselben Chlosters vnd alle ir nachchomen furbaz mit der vorgenannten Gult allen irn frumen schaffen, verchanffen, versetzen vnd geben, swem si wellen, an allen irresal. Vnd daruber durch pezzer sicherhait so setzen wir vns, ich Otte von Paumgarten vnd ich Agnes sein hausvrowe, vnd ich Sophey des egenanten Otten Swiger, vnd ich Wilhalm vnd ich Hadmar von Panmgarten vron So phein svnne, vnd unser erben vnverschaidenleich vber di vorgesprochen gult dem erbern herren apt Moritzen vnd der Samnvng gemain datz den Schotten ze Wienne vnd allen irn nachchomen zv rechtem gewer vnd scherm fur alle ansprach, alz aigens recht ist und dez landes recht zc Oesterreich. Vnd wand vrowe Sophey nicht aigens Insigils hat, da von so haben wir, ich Otte von Paumgarten vnd ich Agnes sein haus vrowe, vnd ich Wilhalm vnd ich Hadmar die Pruder von Paumgarten, fur vns vnd fur si In geben disen brief zv einem offen vrebunde vnd

/

188

zv einem warn gezeuge diser sach versigilten mit vnsern Insigiln. Diser brief ist geben ze Wtenne nach Christes gepurt dreuzehen hundert ur in dem dreizgisten iar darnach, an sant Phillips vnd sant Jacobs Tage.

Original auf Pergament mit drei Siegeln.