CCCCXXXVI.

Ich Caspar Guntzperger, burger ze Wienn, vnd all mein erben bechennen offenlich mit dem brief, das wir vnuerschaidenleich gelten sullen Muschen dem Juden ze Wienn, Maister Jeklein des Juden aydem, vnd seinen erben aindlef pbunt wienner phenning, da uon dem hewtigen tag, als der brief geben ist, tegleicher gesuech auf- gect auf ein igleich phunt drey wienner phenning all wochen. Vnd haben in für Haubtgut vnd gesuech ze phannt gesetzt vnser Haws, Garten, Stadel vnd die Hofstat weingarten daran, alles gelegen vor Schottentor ze Wienn auf dem Graben, als der Satz vmb dieselben phannt in dem Satzpuch datz den Schotten ze Wienn geschriben stet. Vnd ist auch dasselb Satzpuch vnd der gegenburtig brief nuer ain geltschuld. Vnd waz in haubtsguts vnd gesuchs an denselben phannden abget, daz sullen sy haben auf vns vnd auf allem anderm vnserm gut, daz wir haben in dem Lannde ze Osterreich oder wo wir es haben, wir sein lembtig oder tod. Vnd sullen auch wir sew vmb haubtgut noch vmb gesuch weder hintz hof an chain gewaltige hannd, noch nyundert als wohin schaffen, denn daz wir sy selber irs guts wern sullen, als vorgeschriben stet. Daz luben wir in stet ze haben mit vnsern trewn an geuer. Vnd wer den brief mit der vor genanten Juden gutem willen inn hat vnd vns damit mont, es sey Jud oder Kristen, wo er vns damit mont, dem sein wir alles des ge- punden ze gelten vnd ze volfürn, daz vor an dem brief geschriben stet, ze gleicher weys, als in selber. Vnd des ze vrchund gib ich obgenanter Caspar der Guntzperger für mich vnd all mein erben in den brief versigilt mit meinem anhangundem Insigil vnd mit des erbern mannes iasigW Hainreichs des Scheppach, purger ze Wienn, den ich des gepeten hab, daz er der sach getzeug ist mit seinem angehangen insigil, im an schaden. Geben ze Wienn an Mitichen

540

vor sand Peters vnd sand Pauls tag der zwelifpoten, nach Kristi ge- purd Viertzehenhundert Jar darnach in dem Viertzehendem Jar. Original auf Pergament mit Siegelresl.