CCCXLV.

Ich Seyfrid der Paukker, die zeit Maister des Hawses datz sant Marx vor Stubentor ze Wienn, vnd wir diedürftigengemaindaselbens Wir vergehen für vns vnd vnser Nachkomen vnd tun kunt offenleich mit dem brief, daz wir mit gutem willen, mit wolbedachtem mut vnd mit verayntem Rat, zu der zeit, do wir es wol getun mochten, recht vnd redleich abzelósen gegeben haben dem erwirdigen geist lichen herren hern Donalden, Abbt datz den Schotten ze Wienn, vnd dem Conuent gemayn daselbens vnd irn Nachkomen achtzig wienner phenning geltes purchrechts, die wir gehabt haben auf dem Gotshaus daselbens datz den Schotten, vmb drew phunt wien- ner phenning, der si vns gantz vnd gar verrichtet vnd gewert hahent, also, daz wir noch vnser Nachkomen [noch ander yemant von vnsern wegen fürbaz auf das egenant Gotshaus datz den Schotten vmb das

417

obgenant Purchreeht nymmer chain ansprach noch vodrung gewyn- nen süllen in dhainem wege. Wer aber, daz fíirbaz icht brief oder vrkund furpracht wurden, von wem das wer, die auf das vorgenant Gotshaus vmb die obgenanten achtzig phenning geltes purchrechts sagten, dieselben brief und vrkund süllen denn als uerr, vnd si dasselb Purchrccht rürent, allerding tot vnd zenicht sein vnd chain chraft haben, weder chlain noch gros. Vnd darüber so geben wir in den brief für vns vnd für all vnser Nachkomen zu einem warn vrkund der sach versigilten mit des obgenanten Hawses insigil datz sant Marx vnd mit vnsers Vogts insigil des erbern mannes Michels in der Schef- strazz ze Wienn, die zeit Amptman der hochgeboren fürstinn frown Beatricis von Nürnberch, hertzoginn ze Osterreich etc. der der sach gezeug ist mit seinem insigil. Der brif ist geben ze Wienn nach Kristi gepürt drewzehenhundert Jar darnach in dem acht vnd achtz- gistem Jar, des nêchsten Mitichens nach sant Paulstag als er be- cheert ist.

Original auf Pergament, mit zwei Siegeln. — Hormayr, Wien, Abtheil. I, Bd. I, Urkunden pag. 84, Nr. 78.