CCXXIII.

1345,11. November, Wien. — Nikolaus von Hundsheim beurkundet, dass Meister Andre, des Bischofs Gottfried von Passau Oficial, einen ihm dienstbaren Hof zunächst dem Pfarrhofe von St. Ulrich für das Gotteshaus daselbst erkauft habe. Ich Nielas von Huntshain vergich offenleichen an disem brief vmb den Hof, gelegen datz sant Vlreich bei Wienne, des ich rechter Stifter vnd stórer vnd Purcherr pin, vnd der leit zenest dem Pharr- hóf, dovon man mir alle iar dient sechs schilling wienner phennig, drei schilling an sande Jorgen tage, drei schilling an sande Michels tage, ze rechtem dienst, vnd der weilnt vrowen Ellen von Potenstain gewesen ist, denselben Hof mit alle dev vnd darzu gehort, hat der erber Herr Maister Andre, zu den zeiten Bischolf Gotfrits Official von Passaw, mit meiner hant gechauft vnd bestet dem egenanten Gotshaus des hailigen Herren sande Vlreichs, furbaz ewichleichen vnd vnuerchumert dabei ze beleiben seiner Sel vnd aller seiner vor dem vnd nachomen Seln ze Helf vnd ze Trost so beschaidenleichen, daz er vnd alle sein nachomen Pharrer datz sande Vlreich furbaz mir vnd meinen Erben alle iar die vorgenanten Sechs schilling phennig dovon dienen schuln zu den Tegen, als vorgeschriben stet, ze rech tem dienst an allen chrieg vnd an allen irrsal, vnd auch vnuerschaiden aller anderr sache, als vns ander vnser Holden dienent. Vnd des ze vrchunde gib ich dem vorgenanten Gotshaus datz sande Vlreich disen brief versigilt mit meinem Insigil vnd mit des erbern manns Insigel Often des Reschleins Purger ze Wienne, der diser sache gezeug ist mit seinem Insigel vnd anderr erberr levt genuch. Der brief ist geben

252

ze Wienne nach Christs gebvrde dreutzehen Hvndert lar darnach in dem fvnf vnd virtzigistem iar, an sande Merteins Tage. Original auf Pergament mit zwei Siegeln.