CHI.

Mühle in Eckersdorf.

Ich Friderieh von Schaffervelden. vergih vnd tvn chvnt allen den. die disen prief sehent, vnd hoerent lesen. Daz ein chriech waz zwischen mir vnd dem ersamen Apte Evdolf von Sitan- steten, vmb einen wazzerganch bei Omsteten, der avf des vor

120

genanten Gtoteshavses Mvl datz Ekkerichesdorf vlevzzet. Der selbe chriech wart also verslihte zwischen vns mit einer Hant- veste. die ich dar vber gegeben han apt Rv. vnd dem Gots- havse. versigelt mit minem Insigel vnd mit des Ersamen Techent Albreht Insigel von Ardakker, Div selbe Ъan^es1e stet von worte ze worte also.

Wir AI. von gotes genaden Techent datz Ardakker, tvn chvnt allen levten. Daz der Friderich von Schaffervelde an sprach den Ersamen Apte Rvdolf von Sitansteten vmb einen wazzerflvz bei Amsteten. der da flevzzet auf des genanten gots- havses Mvl datz Ekkreïhsdorf. Da sazzen wir vber an dem gerihte datz amsteten, an vnsers herren. des werden bischof wernhardt stat von Pazzawe. als er vns gebot. vnd wart der selb chriech nah vnserm rat, vnd nah ander frvmer levte rate also verscheiden vnd verslihte, datz der chriech, den der vor genante her Frid. von Schafferveld het. gein dem vorgeschriben abt Rv. vmb des Phriller Cehent vnd vmb ein phvnt geltes. als der Frid. iah. daz im der abt Rv. geheizzen hiet. hern Frid. der apt Rv. gab mit der samnvnge wizzen vnd willen driv phunt phenninge zter nehsten lichtmesse dar nah mit der bescheidenheit, daz die vorgenanten chriege alle fvder giengen, vnd daz der oft genant her Frid. vnd alle sin Erben vnd sin nahchomen. die der akker gewaltich waern. vnd si inne hieten, da dvrch der vorgenant wazzerflvz get, si haben die selben akker ze erbreht, oder ze lehenreht oder gechavft. des vorge nanten gothavses Mvln datz Ekkreïhsdorf, den selben wazzer- ganch, weder mit gewalte noh mit deheiner leie sachen irren. noh engen svln, waer aber, daz si ander Mvlner irren wollten. so svln des gotshavsse Mvlner den selben wazzersganch dvrch die vor genanten akker nah ir frvme rihten vnd cheren. Dar vber vergih ich Frid. von Schaffervelde, daz dar nah ein chriech wart enzwischen mir, vnd dem Ersamen apte Chvnrade von Sitansteten vmb alle die vorgeschriben sache. der selbe chriech wart nah vnser beider willen vnd nah biderber leute rate fvder getan, also daz ich staetc vnd vnzcbrochen vnd alle min erben behalten svln alles. daz an disem prief geschriben ist, vnd svln des vor genanten goteshavssc Mvlner, wan daz vierteil wuren, an dem vorgenanten wazzervange. Daz der samnvnge vnd dem gotshavsse datz Sitansteten disiv rede staete beleibe von mir vnd von minen nahchomen. so han ich dar vber gegeben disen

S-

Л

121

prief. versigelt mit minem Insigel vnd des ersamen techent albreht Insigel von Ardakker. Des sint gezevge, her Heinrich von dem wasen. her Heinrich der Straeler. Herr Heinrich von Horaw, Herman der Nevnberger, Alram der Stiller. Ekhart von pavleiten, vlrich Gaensel, Gerhart vnd Heinrich der schriber von Amsteten, vnd ander frvm levte. Daz ist geschehen. do von vnsers herren gepvrte waren tavsent Jar, zwei hvndert Jar, in dem oht vnd Nevnzigisten Jar. an dem phingstabent.

Original auf Pergament; nur das zweite Siegel ist erhalten. Im Per gament Codex findet sich der Schiedbrief Bl. LXVII. auch ausser dem Ver bände dieser Urkunde.

crv.

1298. 14. August. Sine loco. — Dietrich der Schenk von Dobra verkauft dem Stifte das Lehen auf dem Kirchberge bei der Kirche zu St. Michael um 7 Pfund Pfen. und ein Pfund Leihkauf für seine Haus frau Kunigund.

Ich Dietrich der Schenche von Dobra. tvn chvnt allen den. die nv sint vnd her nach chvnftich werdent, daz ich den ersamen herren apte Chvnraden von Sitansteten vnd der Samenvnge da selbe. han ze chavffen gegeben ein lohen auf dem Chirchperge bi der Chirchen avf sant Michelsperge. daz min was. vmb siben pfvnt wienner pfenninge. vnd miner havsfrowen vron Chvne- gont ein pfvnt pfenninge ze leit chavffe. vnd ist daz geschehen mit der genanten miner havsfrowen hant, vnd mit mines svns Dietriches hant. vnd mit irr beider gvtem willen. mit sogetaner bescheidenheit, waer iemen. der her nach chriegen wolte nah dem selben lehen. der sol geben dem vor genanten herren apte Chvnraden oder sinen nachomen. vnd der Samenvnge drizzich pfvnt wienner pfenninge. ob er daz selbe lehen haben will. vnd swaz der vor genant apte Chvnrat vnd sin nahehomen an dem selben lehen. daz wir in willechliche ze chavffen haben gegeben. fvrbaz von iemen mit ansprache vnd von chriege schaden nement. den sol wir in ab tvn. vnd vnser erben. die wir haben vnd noch gewinnen. vnd svln si daz haben. vf allem dem gvt, vnd wir haben. swa ez gelegen ist. Daz in daz ewich- liche staete belibe von vns vnd von vnser n nahehomen. so han ich Dietrich apte Chvnraden vnd der Sammenvnge dar vber gegeben disen prief. gevestent mit minem Insigel. vnd mit der

122

drier ritter Insigel. Horn HeHweiges. vnd hern Heinriches von dem wasen, vnd Herrn Heinriches von Horaw. Des sint gezevge. Her Otte von dem wasen. her Heinrich der Streler. Herman der Nevnberger. wolfker von dem wasen. vlrich vnd Friderich die pavzzen. alram der stiller. Dietrich. hern Hetnriches svn von Horaw. daz ist geschehen. do von vnsers herren gebvrte waren. Tausent iar, zwei hundert Jar. in dem Oht vnd Nevnzigisten Jar. an vnser frowen abent zter Schidvnge.

Original auf Pergament; nur das erste Siegel ist noch vorhanden.

cv.

1298. 14.—20. December. Sine loco. — Derselbe versetzt dem Hartwie

von dem Wasen seinen Hof zu Hertweigstein und zwei Hüben dahinter

auf dreijährige Wiedereinlösung.

Ich Ditrich der Scheuche von Dobra. tvn chvnt allen den. die nv sint. vnd her nach chvnftich werdent. Daz ich Hern Hertweigen von dem wasen han gesatzt minen hof datz Hert- weichstein. vnd zwo hveb hinter dem hertweigstein. fvr zwai min drizzich pfvnt wienner pfenninge. mit miner havsfrowen vron Chvnegvnden. vnd mit mines svns Ditriches vnd mit miner prvder Seifrit vnd Heinriches gvtem willen. mit der beschei- denheit, daz ich. oder min havsfrowe. oder min svn losen suln daz vor genant gvt. oder min prvder. ob wir niht gelosen mvgen. von weinahten dem tage vber driw Jar, vnd ist der Hertweich niht, so svl wir losen von dem Straler. vn von sinen chinden. vnd von sinem eidem Hermanne dem Nevnberger. Ge schehe des niht. daz wir ztem tage vnd in der vrist daz vor genant gut niht enlosten. so soll ich Ditrich vnd min havs frowe vnd min son. ob ich niht enbin. hern hertweige daz selb gvt vff geben. oder dem Straler vnd sinen chinden. ob er niht ist. vor dem herzoge vnd dem landes herren in Osterliche, vnd sol ouch ich vnd min havsfrowe vnd min son, desselben gvtes gewer sin. ze hof vnd ze taidinge. vnd aller stat. vud er sin bedarf. Swor wir des niht entaeten. vnd swaz im der dinge ab gieng als an disem prief geschriben ist. so sei wir im schvl- dich sehzich pfvnt wienner pfenning. vnd sol die haben vf elliv. div. vnd wir haben. vnd ob ich verzikh, di zit vn den tach, daz ich niht enlose* so sol vns der hertweich her zv geben. nah zweir manne, vnser beider frevnde rat. Dar vber han ich

\

123

im gegeben disen prief. gevestent mit minem Insigel. vn mit miner prvder beider Insigel. Des sint gezevg. her Otte von der Erl. Her heinreich. vnd her Ott. vn wolfker von dem wasen. Vlrich vn friderich die Pavzzen. Chvnrat von ladendorf. vnd ander biderb levte. Daz ist geschehen. do von vnsers herren gebvrt waren. tavsent Jar. zwei hvndert Jar. in dem oht vnd Nevnzigisten Jar. vor weinahten in der Chottemper.

Original auf Pergament, das zweite Siegel fehlt. Hertweigstein in der Pfarre St. Michael am Brnkbach.

CVL

1298. Sine loco. — Derselbe gibt dem Stifte das Lehen in der Trefling

hinter dem Holz auf.

Ich dietrich der sench von tobra, tuen chvnt allen den. die disen brief an sehent oder hoerent. daz vns Ch veitrat der laden- dorfer hat vns aufgegeben, mit seinem gueten willen daz lehen in der trefnich, hinter dem holz, da per auf sitzet, daz selbe lehen han ich auf gegeben meinem herren apt chuenraden von seitensteten, vnd seinem goteshavs, also, daz ich hie zwischen vnd phingsten sol im meiner prueder willen dar zue gewinnen, vnd ob ich des niht tuen, so sol allez daz ledich sein an alle ansprach, daz ich von dem vorgenanten herren apt chvenradsn vnd von seinem goteshavs han, ez irre danne ehaftiu not ze- hant, vnd ehaftiu not vur chvmt, so sol ich laisten, daz ich gelobt han, Daz daz stet sei. da gib ich vber disen brief, be- stetiget mit meinem insigel.

Original auf Pergament, das Siegel fehlt.

CVH.

1299. 28. Juni. Sine loco. — Abt Conrad erneuert dem Heinrich von Holzingen das ihm und seinem Bruder Conrad von Abt Rudolf I.

verliehene Erbrecht auf zwei Lehen daselbst.

Wir Chunrat von Gotes genade. apte datz sytansteten und diu samenuge vnser vrowen des selben goteshuses. Tun chunt allen.den. di nv sint vn hernach chunftich werden. Daz hain- rich von holtzinge zv vns chom. vn vns ermant mit siner hant- ueste. deu im gegeben was von vnserm goteshuse. vnd von

124

dem ersamen apte Rudolfen, daz er vn sin pruder Chunrat daz guet zeholtzinge. zwai lehen. von vns hieten ze rechtem erbe reht. wand sev daz selbe guet von rauchem walde er- bowen hieten. mit der weschaidenhait. daz seu alle jar vnserm goteshaus da von dinen solten an sant Gorgen tag funfzehen phfenige. vn an vnser vrowen tage ze dinest zeit funfzehen phfennige, vnd swenne seu verchauffen wolten, daz selbe erbe recht. so solt der da hin gebe. vns geben drizzich phfennige. vnd der da chauft drizzich phfen. vnd scholten auch daz selbe erbe recht niemen ze chauffen geben. wand vns oder ainem vreien paumane. der niemens aigen wer. oder vnsers gotes- hauses wer. vnd wanne Chunrat. hainrichs pruder willichlich von dem selben erberecht gestanden ist. so hab wir hainrich den prief - ernewet. daz er vnd sine Chint. vnd alle sin erben. daz var genant guet ze rechtem erberech ewichlich von vnserm goteshaus haben schuln in dem Cinse vnd dem rechte. als vor an disem prief gescrieben vnd gesprochen ist. Dar vber hab wir in gegeben disen prief. ze ainem ebigen vrchunde. geve- stent mit vnsern insigeln. Des sint gezeug. her hainrich von harowe. harman der Neunberger. Älram der stiller. friedrich der hofmaister. Ekkel sein pruder. friedrich von hefte. Chunrat der leitingei-. Ernst der scriber. vnd ander pider leut. Daz ist geschehen do van unsere herren geburte waren. Tausen jar. zwai hunder iar. dar nach in dem Neun vn neunzigisten iar. an sant peters abent. Dar zu sol man auch dannoch vurbaz wizzen. daz der vargenant Hainrich vnd sin erben. oder wer daz var- genant guet inne hat. ze recht sten suln vor vnserm ammanne. vnd pantaidinch vnd stiftunge vor im auch suechen schulle. vnd swenne der hertzog. der landes herre ist. oder swer zden selben zeiten landes herre ist. ain her steur oder ander steur durich des landes not. an vns vordert. dar zu suln si vns steuren nach ir staten, als ander, die erbereht von vns habent. Ez stet auch an der hantvest. Ob Hainrich vn sin erben den Cins verhabten. daz si in niht geben zten tegen. als an ir hant vest gescriben ist. so solen sev an dem nehsten tage daz wan- del mit dem cins geben Sechzich phfennige. saument seu daz. so habent seu ir recht verlorn an dem vargenanten guet. So seu auch stiftunge vnd pantaidinch vor vnserm ammanne niht suchten. So sint siv vns schuldich setzich phfenninge ze wandel. vn habent ir recht do mit niht verlorn. Daz ist ein gegen

125

scrîft vn ain vrchunde gen ainer hantvest. die wir vnserm hol den. Hainrich von Holtzinge gegeben haben.

Aus dem Pergament Codex Bl. LIV.

Holzing in O. Oe., Pfarre Gunskirchen oder Steinerkirchen am Imbach, in welchen beiden das Stift begütert war.

СVШ.

1299. 20. October. Sine loco. — Rudolf der Wirseng beurkundet

die Beilegung seines Streites mit Abt Conrad wegen der Vogtei auf dem

Stiftseigen zu Lenzendorf.

Ich. Rvdolf der Wirsinch, Tvn chvnt allen den, die nv sint. vnd her nach chvnftich werdent, Daz ein chriekh was zwischen mir vnd dem ersamen herren Apte Chvnrat, vnd dem goteshavse datz Sitansteten, vmb die vogtay avf dem Aigen ze Lanzendorf, vnd swaz dar zv gehoret, des satzten wir vns bei- denthalbe an die vmb saezzen, die eltisten, vnd die besten, an hern Meinharten von Raevtte, hern Perhtolden von alten Lengen- pach. hern Heinrichen von pavngarten, vnd hern Seifriden von Hagenowe, die habent vns also gescheiden. vnd den chriech verslihte, Daz ich driv taidinch, vf dem Aigen ze lanzendorf haben sol, eines ze sant Michels Messe. daz ander ze vaschange, daz dritte an sant Georin tage. vnd ze iegolichem taidinge svln mir die levte ein Mal, selb nevnten geben. vnd swen ich der Mal niht nemen wil, so svln si mir geben fvr iegelich Mal sehzich phfenninge. vnd avf zwein hoefen zwo naht selde, da . sol ich selbe dritte sin, vnd wil ich da niht hin, so svln mir die levte geben, fvr iegelich naht selde drizzich pfennige, Ez svln avch des goteshavses levte ab dem walde div taidinch svchen zelanzendorf, vnd ninder ander swa. Swen ich an dem taidinge sitze, swaz da gervget wirt, vmb plvt rvnse, vmb Mavlslege, vmb chnvttelslege, swaz des vor mir gervget vnd geschlagt wirt, div wandel sint mines herren des aptes div zwei teil. vnd des voites daz ist min daz dritteil. Swaz des andern ist, daz sol rihten des aptes Amman, Swaz aber ge- schiht, tot slege, oder dicf, oder Notnvnft. oder prant. swi des ein man schvldich wirt, da sol sich sines gvtes, mines herren des aptes Amman vnder winden, vnd soln div zwei teil sein sin, vnd daz drittail min. Ist daz der landes Herre hervertet vz dem lande, oder ez sei, daz in dehein sin nahtgepawr an

126

greiffe, gein dem er vert an sinw gemerke so svln mir die vor- genanten voitlevte geben zwei pfvnt fvr einen wagen, vnd sol daz geschehen wanzeinmal in dem Jar. Swaz herverte fvrbaz wvrde in dem selben Jar, da sint mir die levte niht schvldich ze geben. Man sol mir ovch geben von igelichem lehen drei Metzen voit habern, vnd von einem lehen, heizzet pvnlant, sehs Metzen habern, vnd von zwein hoeuen zwelf Metzen habern, von hofsteten. von lehen. von Meirhoven. von iegeli- chem ein vaschanch hven, So gebent mir die levte vf dem walde ze voit reht sehs vnd drizzich Metzen habern, ze sant Georin Messe, vnd vier vnd sehzich pfennige zten drin vorge nanten taidingen, vnd ze vaschange sehs hvener. vnd dar vmb sol ich daz vor genant aigen levte vnd gvt, vnser frowen ze dinest schermen. vnd mir enpholhen lazzen sin, als ich aller peste chan von minen triwen. Daz disiv rede von mir staet beleibe, vnd vnvercheret, so han ich dem vorgenanten ersamen apt Chvnrat, vnd dem goteshavse dar vber gegeben disen prief ze einem vrchunde vnd ze einem ewigen gezevge. gevestent mit minem Tnsigel, vnd mit der erwerigen ritter Insigel, die hie geschriben sint, hern Meinharts von Raevtte, hern Perhtoldes von alten lengenpach, Hern Chvnrats von Artzlinsdorf, Hern Seifrides des schenchen. Des sint gezevge. Her Gotfrit von totzenpach, Her Heinrich von pavngarten, her Seifrit von hage- now, Rudoîf der tozenpekh, Ditmar der schench, Dvrinch der schench, Gotfrit von Raevtte, Chvnrat von Hagenowe, Peter von vinchenperge vnd Seifrit der amman von Lanzendorf. Daz ist geschehen. do von Christes gepvrte waren tavsent Jar, zwei hundert Jar, vnd Nevn vnd Nevnzich Jar, an dem Ohten tage nah sant Cholmannes tage.

Original auf Pergament mit fünf Siegeln.