CLXXXXVII.

Ich Hainreich. Dietreiclis von Glaevz saelig sun vnd all mein erben veriehen offenleich mit disem prief vnd tun chunt allen den. die in sehent oder horent lesen. Daz wir mit wol- uerdahtem mut vnd gutleichem willen. nach vnserer freunt rat. ezder czeit, do wirz wol getun mohten. vnserm genaedigen herren hern Dietmaren. ezden czeiten Abt cze Seidensteten vnd seinem gotshous cze chouffen haben geben, allez daz gut, daz wir haben gehabt cze sand Veit, ez sein hovser, aecker, wismad oder peovnt, swie ez genant ist, mit allen den nutzen, vnd rehten. die dar czu gehorent, cze holtz, czeuelt, besueht vnd vnbesueht. als wir die vnd vnser vorder n in nutz vnd in gwer haben gehabt, vmb czwaie vnd sehtzich phunt phenning wiennaer mvnze, der wir gantz vnd gar verriht vnd gewert sein, also beschaiedenleich. daz wir noch vnser nachchomen furbaz dhain ansprach schullen haben auf daz selb gut. Dar vber czu ainem sihtigen vrchunde vnd czu einem waren getzeug diser sache geben wir vnserm vorgenanten herren Abt Did- moren. cze Seidensteten. vnd seinem gotshous disen offen prief. versigelten mit meinem egenanten. Hainreichs Dietreichs sun von Glaevz saelig anhangundem Insigel, vnd mit der erbaern mann. Chunrates des Schirmaer. ezden czeiten rihter cze Sei

215

densteten, vnd mit Ottern des Pauzzen anhangunden Insigeln. die durch vnserer besunderer pet willen czu einem getzeug diser sache ir insigel an dem prief habent gelegt. Daz ist ge schehen vnd der brief geben cze Seidensteten an Sand Chvni- gunden tag, do man von Christes gepurde czalt. Drevtzehen hundert iar. dar nach in dem ayn vnd viertzgisten iar.

Original auf Pergament; alle drei Siegel abgefallen. Güter zu St. Veit bei Seitenstetten.

CLXXXXVIII. .

1341. 1. November. Seitenstetten. — Ulrich der Tieminger ver setzt Friedrich dem Winter seinen dem Stifte lehenbaren Zehent an der Puchen für 6 Pfund Pfen.

Ich Vlreich von Tieming, vnd ich Diemut sein housurouwe, vnd vnser paider erben veriehen offenleich mit disem brief vnd tun chunt allen den, die in sehent, oder horent lesen. Daz wir den beschaiden laeuten, Fridreichem dem winter, vnd vro Christein seiner housurouwen vnd ir paider erben mit woluer- dahtem mut, ezder czeit do wirz wol getun mohten, versatzt haben mit vnsers gnaedigen herren Abt Ditmars von Seiden steten hant, den czehent an der puhen. besueht vnd vnbesueht, als wir in selb inne haben gehabt, fur sehs pfunt phenning wiennaer munze, die sy vns beraitt gelihen habent, also be- schaidenleich, daz sy den vorgenanten zehent, mit allen nutzen, als êgeschrieben ist, inne schullen haben, nv von Sand Georien tag, der schirist chûmt, vber fûmf iar. an alle losung, fuer die selben fvmf iar schullen wir alle iar losen an Sand Georien tag, vnd schullen ouch des satzes ir gwer sein an aller stat, wo in des not geschiht, nach Landes reht in Oesterreich, Dar vber czu einigem sihtigen vrchunde. vnd czu einem waren ge tzeug diser sache, geben wir in disen prief. versigelten mit meinem Vlreiche von Tieming anhangundem Insigel. Des sint getzeug, Pilgreim der tiemingaer von Protsdrvm mein prueder, Ludweig der tiemingaer von Leuten, vnd ander erbaer laeut ge- nueg, Daz ist geschehen. vnd der prief geben datz Seidensteten, an aller Heiligen tag, do man von Christes gepurde czalt Drevtzehen Hundert iar, dar nach in dem ayn vnd viertz gisten iar.

Original auf Pergament; das Siegel fehlt.

216