CCLXXXIV.

Ich Fridrekh von der puchen mul, in der pfarr cze Sitan- stetn, ich Eysal sein hausvraw, ich Janns sein sun vnd all vnser eribn, wir vergehn fur vns vnd fur all vnser eribn vnd frewnt lebentig vnd chunftig, wie die all gnant sein, vnd wir tun chund allen lewtn, di den brief ansehnt, lesnt oder hoernt lesn, Daz wir vnuerschaidenleich mit wol bedachten mut vnd mit gut- leichen willn, zu der zeit, da wir daz mit recht wol tun machten, recht vnd redleich haben verchaufft vnd cze chauffen gegebn dem ernwirdigen geistleichen vnserm gnaedigen herrn . . . dem Abbt vnd dem ersamen Conuent des Gotshaws cze Sitanstetn den ganczen czehent, grozzen vnd chlainn auf dem hof, ze Mair- hof gnant, vnd auf czwain purkrechtn daselb vnd auf allen pewnten, di in denselben hof gehoerentj in der pfarr zu Sitan stetn gelegn, mit allen rechtn vnd nuczczen, di dar zu gehornt, besucht vnd vnbesucht, bestifft vnd vnbestifft, gepawt vnd vnge- pawt, vmb aindlef pfunt vnd sechs schilling wienner pfenning, der wir von in czu rechten tagen gancz vnd gar gericht vnd gewert sein. Denselben ganczen czehent auf den vorgenantn guetern mit aller czugehorung, den wir von in vnd von dem eegenantn Gotshaws ze Sitanstetn czu rechten lehen habn ge habt, hab wir auz vnser nuez vnd gwer in aufgegebn in ir nuez vnd gewer, daz sew in hinfur schulln besiezczen, invessenn vnd nyezzen, vnd schulln auch allen ir n frum damit schaffen mit innhaben, mit verseezczen vnd verchauffen, wem sew wellnt, also daz wir vnd all vnser eribn vnd frewnt sew dar an weder mit wortn nach mit werichen nyndert schulln irren. Wir ver- czeichen vns auch fur vns vnd fur all vnser eribn vnd frewnt,

326

lebentig vnd chunftig, des obgenantn ganczen czehnt auf den vorgenantn guetern vnd pewntn ze Mairhof mit aller czuge- horung vnd wir tun vns auch des alles czu rechter furczicht mit dem brief, also daz wir vnd all vnser eribn vnd frewnt hinfur dar auf hincz dem vorgenantn geistleichen herren . . . dem Àbbt vnd dem Conuent vnd auch hincz dem eegenantn Gotshaws cze Sitanstetn chainn chrieg vnd chain ansprach schulln haben, nach gewinnen, weder mit recht nach an recht. Wir welln vnd schulln auch vmb den vorgeschribn ganczen czehent vnd vmb den chauf ir recht gewern vnd furstand sein fur all chrieg vnd ansprach an aller stat, wo in des mit recht not geschiecht, als solichs chauffes recht ist in dem Land cze Oestereich. Ob aber wir daz ynndert vber fuern mit red oder mit werich, vnd ob in an der gewerschaft icht abgieng, weli- cherlay schaden sew dann des nemment, di ir ainer auz dem vorgenantn Conuent cze Sitanstetn vngeswarn vnd vnberecht vor erbern lewtn pey seinen trewn gesprechen vnd bestaetn mag, di schull wir in all ablegen vnd widerchern, vnd sew schulln di schaden habn auf vns vnuerschaidenleich vnd auf aller hab vnd gut, di wir auf wazzer oder auf land habn vnd gewinnen, inner landes vnd auzzer landes, vnd sew schulln der schaeden da von bechommen an chlag, an furbot vnd an allez rechten, so sew nast mugen, vnd in welicher herschaft, oder gericht sew vnser hab vnd gut eraysschent, di schol in der herr oder richter gebn vnd inantwurttn als vil, daz sew der vorgenanten schaeden mit sampt dem hauptgut gancz vnd gar aller ding auz gericht vnd gewert werden. Vnd daz ist allez vnser gutleicher willn, wir sein lebentig oder tod. Daz di red hinfur also staet vnd vnuerchert beleib, dar vber czu einem sichtigen vrchund der warhait geb wir in den offenn brief, czu pezzer sycherhait versigillt mit der erbern weysen Goergen des Rathayminger, di czeit richter cze Sitanstetn vnd Purkcharts des Newnburger anhangunden jnsigilln, in vnd ir n erbn an allen schaden, di da mit der vorgeschribn handlung czeugen sind durch vnsers vleizzigen pets willn, hinder di wir fur vns vnd fur all vnser eriben vnd frewnt lebentig vnd chunftig vns mit vnsern trewn an aydes stat gutleich vnd gern haben verpunden an ge- uar, alles das staet cze habn, daz obn an dem brief geschribn ist, wann wir selb aygen jnsigil nicht habn. Des verpinden vnd piten vmb di insigil sind auch czeugen di erbern lewt Hain

327

reich der Cymermayst, Nycla nuczel, Amman, Fridr. der murssel, hofmayster, vnd Danquard der Speyser ze Sitanstetn. Der brief ist gebn nach vnsers herrn Christi gepurd vber dreyczehen hun dert jar im fumf vnd achczigisten jar, an des heyligen sand Alexij tag.

Original auf Pergament mit zwei Siegeln.