CCLVII.

Ich Fridreich, der allt speyser von sand Veit, ich Sophya sein hawsvraw und all vnser paider erbn, Ich Dyetreich der slozzer sein sun mit allen meinen brudern vnd all vnser erben, wir vergehen offenbar mit dem brief vnd tun chunt allen lew- ten, di in ansehent lesent, oder horent lesen, Daz wir mit wol bedachtem mut vnd mit guetleichen willn nach vnserer pessten frewnt rat, czu der czeit, da wir ez mit recht wol getun machtn, di muel cze nast sand Veit in Sytansteter pfarr gelegn vnd di pewnt da pey, di wir von dem Gotshaws cze Sytanstetn czu rechtem purchrecht gehabt haben, mit aller czugehoerung vnd mit allen nuczczn, recht vnd redleich habn ledig lazzn vnd auz vnser nuez vnd gwer gegebn dem erwirdign geistleichn vnserm gnaedign hern Abbt Engelschalchn vnd allen seinen nachchomen vnd dem ersamen Conuent cze Sytanstetn in die Abbtey (Ob- ley?) daselbs in ir nuez vnd gwer vmb ein taegliche Jungk

288

herrn pfruent, di seu mir vorgenantn Fridreichen dem speyser verschriben habnt czu leibgeding vnd di sew mir, di weil ich leb vncz an meinen tod schulln rayhen vnd gebn nach des briefs sag, den sew mir dar vber gegebn habnt In der beschaid- nuss, daz wir all, di von erst an dem gegnwuertign brief gnant sind vns der obgenantn muel vnd der pewnt da pey mit aller czugehorung vnd mit allen nuczczn gancz und gar auzzen vnd wir verczeihen vns auch aller der rechtn, di wir dar an gehabt habn vn tun vns auch des alles czu furczicht mit dem brief, Allso daz wir vnd all vnser erbn sun vnd toechter gegen den vorgenantn geistleichen herrn vnd gegn dem Gotshaws cze Sytanstetn dar vmb hinfuer ewikchleich chain ansprach vnd chain czuspruch schullen nach mugn gehabn weder mit recht nach an recht. Wir schullen auch der vorgenantn muel vnd pewnt mit aller czugehoerung der eegenantn geistleichen herren vnd des Gotshaws cze Sytanstetn recht scherm vnd gwern sein fur all ansprach an aller stat, wo in des mit recht not geschiecht nach dem Lands recht in Oesterreich. Daz di red allso staet vnd vnuerchert beleib, dar vber czu einem sichtign vrchund der warhait, geb wir in den offenn brief versigillt mit der erbern Hannsen des Liechtenwinkchler, di czeit Richter dacz sand Peter in der Aw, vnd Otten des Gaennsel von Chrebstetn czwain anhangundn Insigilln, di durch vnsers vleizzign pets willn der hanndlung da mit czeugn sind in an allen schaden, hinder di wir all vnd besunnder ich obgenanter Dyetr. slozzer an meiner vnd auch meiner brueder hannsens, Jacobs vnd peters stat vns mit vnsern christenleichn trewn an aydes stat ver- punnten haben, allez daz an geuaer staet cze habn, daz an dem gegenwurtign brief obn gschriben ist. wann wir aygenew In- sigill nicht habn. Der brief ist gebn nach vnsers hern Christ gepurd vber dreyczehn hundert Jar dar nach in dem achczgistn Jar, an der heylign magt sand Scolastice tag.

Original auf Pergament; das erste Siegel sehr beschädigt, das zweite gi<t erhalten.