CXLIII.

Wir Elzpeth. von Gotz gnaden weiln Chuniginnc ze Rome, veriehen vnd tvn chvnt offenleich an disem brief, allen den, di in sehent oder horent lesen. daz wir von der weisvng vnd von

156

dem rat vnsers geistlichen vaters, bischolf wernhartes von pazzaw. mit wol verdachtem mvt ze Selgeret aller vnser vodern vnd vnser nach chomon Selo, vnd sundcrleich zv einer widerlegung der veyertag. di an vnserm sieden ze hallstatt, daz wir mit vnserm gut ven wildem gepirig haben erbawn, vbergangen vnd zebrochen werdent mit aribait. der man idoch ze not niht enbern mach. vnser almosen von dem vorgnanttom sieden den gaist- leichen laewtten . . . dem apt vnd dem Convent datz Seiten- stetten mit getailt vnd gegeben haben, also, datz in vnser phfleger oder amplaewt ze Hallstat alle iar an vnser vrawn tag, als si geborn ist, Dreizich fuder durres salczes geben sulln, vnd daz selbe saltz sol in auch an vnser .Mauttstat ze Gmvnden ledichleich an luawt fur gen. waer aber daz in vnser phfleger oder amptlaewt, daz vorgenant saltz an dem vorgenanten tag niht gaeben, so gebieten wir vestichleich bei vnser hulden. vnsern purchlewttcn ze hallstat, daz si dohain salcz ze hallstat. vz furen lazzen, vncz daz daz vorgenant salcz dem vorgenanten Gotzhaws vericht werde. Ez sol auch der vorgenant abte alle jar, an sant phylipps tag seinem Conuent ein halbz phfunt winner phfenning ze bezzerung ir phfrvnd geben von dem vor.- gnantten salcz, daz si dar vmb des selben tages vnsers liebens herren vnd wircz Chvniges albrehts ze Rome, der an dem selben tag verschied, jar tag, vnd vnser vorder n vnd nach chomen, vnd auch vnser selb. swenn wir niht sein. begen mit vigilien vnd mit selmessen, vnd mit andern gotleichen sachen, Vnd dar vber. daz vnser vorgeschrieben gabe vnd freyvng dem vor- gnantten abte vnd dem Conuent von Seitensteten staete vnd vnze broche beleibe. von vns vnd vnsern nach chomen, haben wir in disen brief geben, versigelt mit vnserm insigel. Der geben ist dacz Newnburch. do man zalt von Christz geburtt Drew- zehen hundert jar, in dem drewzehenttem jar, an vnser vrawn tag, der Licchtmesse.

Original auf Pergament; das Siegel abgefallen.