CXVIII.

Ich Perichtold der Scheckh tvn chvnt allen den, di disen brief an sehent oder horent lesen. daz ich mit gutem willen miner chint vnd miner hausvravn, han gegeben minem herren Apt Chvnraten von Sytensteten vnd sinem goteshaus, daz gut. daz da ist gehaizzen in der Awe datz Spoerlin. daz min aigen ist gewesen. vmb zwelf pfunt pfenning vur paz ledichleichen zehaben. an allen chrieg. wurt auer min herre der vor genant Apt oder sein gotshaus beswart mit chainer ansproch vmb daz selbe gut. des schol ich in vnd sein gotshaus auz verrichten vnd aller ansproch vur in sten. ich vnd minev chint, swo ich des niht entet oder niht mvht getvn, so schol ich im oder sinem gotshaus sein gut allez wider geben an vnser vraven tag zder lichtmisse, Auer wer ich niht. so sullen iz minev chint tvn vnd min prueder, herr Marchart vnd Ott, Teten si des niht, so sullen si minem herren von Sytensteten. dem vor ge nanten Apt oder sinem gotshaus sein gut wider geben van minem gut des tages. der vor geschriben ist, vnd daz daz stet beleibe, dar vmb gib ich im vnd sinem gotshaus disen brif. besteting mit minem insigel vnd mit mines pruder insigel hern Marcharth. Des sint gezevg her Hainrich vnd her Hert- weickh di wasner, her Hainrich von Horaw, Herman der Nevn- berger, vnd leb, vnd ander pider leut, den iz wol chvnt ist. Daz ist geschehen des iars. dv von Christes geburt waren tau- sent iar, vnd^rev hvndert iar, dar nach im driten Jar, an vnser vraven tag ze der Lichtmisse. datz Sytensteten.

Original auf Pergament; das erste Siegel ist ganz abgefallen, das zweite nur theihveise erhalten.

134