CXLV.

1315. 2. Februar. Seitenstetten. — Abt Heinrich verleiht Conrad

Wief Hainreich. van gotsgenaden abt datz Seytensteten, vnd dev samnung gemain des selben gotshaus. Tuen chunt allen den, di disen prief sehent oder horent lesen. di nv sint oder hernach chvmftig werdent. Daz wier mit wol verdachtem muet vnd mit gemainem rat Chvnraten van Mairhof vnd seiner haus- vrowen Agnesen, vnd ier paider rechten erben cze rechtem purchrecht verlihen haben. den hof der do haizzet am Mair

158

hof. in chalmvntzer pharr. den sev mit ierem aigenschaften guet zv vnserm gotshaus pracht habent, also, daz sev vns vnd vnserm gotshaus alle iar an sant Cholmans tag zweilf wienner phening douan dienen schullen. an alle sterr, vnd zwelif phening auf vnd ab. vnd des selben Hofes schulle wier vnd vnser gotshaus ier rechtter herre vnd gewer sein, als lantz recht ist, swo sev des weduerfen, wier schullen auch den vorgenanten Hof, weder mit verchaufen noch mit widerwechsel. noch mit chainer hand sach, van vnserm gotshaus pringen oder empfremden, an der vorgenanten leut guetleichen willen. wer auch, daz die vorgenanten Levt ier recht an dem vorgenanten hof, durich notichhait ver chaufen muesten, oder wolten. do scholt wier sev nichts an ierren. vnd daz dev red stet vnd vnzeprochen weleib. geb wier in disen prief zo vrchvnd. westaetigiten mit vnsern paiden han- gvnden Insiguen. Des sint gevg. Hainrich der schenkch van dobra. Ott vnd Dietreich vnd alram van Reichkerstorf. Dietreich van erbing. Hainreich vnd Ott die schaitelperger. Alram der stiller. vnd ander piderwe leut genvech. Daz ist geschehen datz Seyten- steten do van Christes gepurt ergangen waren, Tausent iar. Drev- hvndert iar. darnach in dem fvmftzehenten iar. an vnser vrowen tag. ze der Liechtmesse.

Original auf Pergament; von den Siegeln nur eines und dieses nur halb erhalten.