Beringerus Dei gracia dictus abbas in Otenheim, omnibus universis Christi fidelibus hoc scriptum intuentibus veram in Domino salutem. Cum cunctis fidei catholice cultoribus uni- tas mentis et uniformitas debet esse dilectionis, condecens esf, ut hec eadem dilectio et forma concordie vigere debeat inter eos, qui specialiter Domino militant in forma religionis. Igitur ne de cetero locus discordie detur inter conventum de Hemmenrode et sanctimoniales de Kamese super controver- sia, que fuit inter ipsos et qualiter eadem sit sopita presenti scripto duximus insinuandum. Egino miles de Mouspach inter cetera bona, que contulit cenobio in Hemmenrode, tribuit fluedam bona in Geynheim, que fratres in Hemmenrode multo tempore quiete possederunt, a qua tum possessione postmo- dum per moniales de Bamese occasione domine Gutte, que , mater Eginonis fuerat et se ad ipsas transtulerat, eiecti sunt indebite ac violenter, denuo tamen in pristinam posses- sionem iudicio domini pape supradicti fratres sunt restituti. Cum autem sic de bonis temporalibus homines spirituales li- tigarunt, qui pocius pro celestibus deberent esse bellatores, pluribus quoque ex parte fratrum factis expensis nostra me- diante presencia placuit partibus liti ponere terminum et arbitrio se submittendas, qui causa fideliter discussa defini- rent, ut supramemorate moniales bonis, de quibus erat con-

172 1220 marz 3.

tencio precise renunciarent. Ouod et factum est, fratres quoque de Hemmenrode proventibus a predictis bonis duobus annis violenter ablatis et expensis pro eadem causa factis amicabiliter renunciaverunt. Insuper sanctimonialibus ob fir- mamentum pacis et ad instanciam arbitrorum viginti solidos Spirensis monete dederunt, ut abinde in antea sepedicta bona in Geynheim pacifice et absque omni turbacione sanctimo- nialium possidere deberent. Ut autem hec, que dicta sunt perpetuam habeant firmitatem et a nullo prorsus in posterum possint infirmari, presentem inde paginam fecimus conscribi et presentibus sigillis insigniri, videlicet maioris ecclesie Spi- rensis, nostro et cenobii in Ramese. Huius rei testes sunt, F.. decanus, B.. cantor, C.. scolasticus, A.. cellerarius, ca- nonici et God.. prebendarius Spirenses; monachi de Hem- menrode Heinricus grangarius, Rudolffus monachus, Anno magister Novecurie; de Ramese Meingotus conversus, et alii quam plures. Acta sunt hec anno incarnacionis Domini MCCXX. V. nonas marcii, indictione VIII.