Fridericus Dei gracia Spirensis episcopus, dilecto in Christo Heinrico plebano sancte crucis ecclesie Spirensis salutem in Domino. Accepimus, quod Sifridus Reschelinus civis Spi- rensis auctoritate camerariij dilectos nobis in Christo deca- num -et capitulum ecclesie Spirensis de facto, cum de iure non.possit, ad instanciam aliorum laicorum ad suam presen- ciam presumpserit evocare, in nostre iurisdictionis et eccle- siastice libertatis non modicum preiudicium et iacturam. Cum igitur actor forum rei sequi debeat et prefati decanus et capitulum de foro ecclesiastico sunt et coram nobis tanquam suo oidinario parati sunt, omnibus de eis querulantibus ius- ticiam exhibere et nos prompti sumus omnibus facere ius- ticiam de eisdem: tue dilectioni precipimus et mandamus, quatenus statim visis presentibus accedens personaliter dic- tum Sifridum moneas sollicite vice nostra, ut cum de causis contra prefatos decanum et capitulum alicui vel aliquibus competentibus cognoscere debeamus, nec ad aliquem nisi ad nos vel superiorem nobis spectet cognicio earundem, dictus Sifridus de huiusmodi iurisdictione in nostrum preiudicium et ecclesiastice libertatis se nullatenus intromittat, nec prefatos decanum et capitulum huiusmodi occasione de facto, cum de iure non possit, presumat aliquatenus molestare. INos enim si.quid contra memoratos decanum et capitulum dictus Si- fridus in hac parte attemptaverit vel attemptare presumpse- rit exercere, decernimus irritum et inane, mandantes tibi sub pena excommunicacionis, quatenus prefatum Sifridum, quem ex nunc excommunicamus, in scriptis si a perturbacione nostre iurisdictionis non destiterit, excommunicatum singulis diebus dominicis denuncies in ambone et ab omnibus arcius evitandum, pronuncians nihilominus cassum, irritum et inane quidcunque per eundem Sifridum contra ipsos decanum et ca- pitulum attemptatum fuerit in hac parte. Datum anno Do- mini MCCLXXV. in die beati Udalrici.