In nomine sancte Trinitatis, amen. Ego Eliza de Anebos bona mea in Berghusen sita, que olim a capitulo Spirensi comparavi, in lecto egritudinis posita, do simpliciter eidem capitulo ob honorem Domini nostri lesu Christi et gloriose virginis, genitricis sue Marie, de quibus in anniversario meo, quandocunque me decedere contigerit, dari constituo omnibus canonicis et vicariis seu clericis quibuscunque maioris eccle- sie, sancti Germani, sancti Widonis et sancte Trinitatis cho- ris ad serviendum adstrictis, cuilibet album panem maiorem et minorem, clericis eciam apud sanctum sepulchrum ipsorum regule adstrictis, capellanis civitatis, fratribus sedum maioris ecclesie, inclusis infra bannum civitatis Deo famulantibus et omnium ecclesiarum conventualium campanariis unum pa- nem maiorem cuilibet dari volo, supplicans devote, ut ea die universi et singuli in suis ecclesiis memoriam mei agant et quandocunque Dominus ipsis inspiraverit. Item lampadem ardentem ab ea hora, qua monasterium aperitur ad matuti- nas quousque in sero clauditur, in gradibus dextris, ubi in- tratur ad cryptam, in perpetuum constituo procurari. Item eadem die fratribus minoribus duodecim denarios Spirenses et sororibus penitentibus tantundem pro pistibus vel aliis sibi necessariis dari volo, quos duos solidos Eckenbertus civis Spirensis annuatim solvere tenetur. Hec omnia douiino Ber- tholdo maiori preposito et domino Wernhero de Hornecke, quos manufideles meos constituo et quorum sigilla huic scripto sunt appensa, committo fideliter exequenda.