1399.

len auch nit, das deheine hus me in dirre stat sol sin, das ein Gotes hus heisse, da ein sammenunge geistlich men- schen inne sy, die also bede frihe sin, dann diss alleine vnd dasselb^e vorgenannt Gotes hus sal nit herwidert werden anders dann als es itzunt begriffen hat. Vnd als nu alle diese ding also vnverbruchlichen gehalten werdent, so han wir zwo personen erwelet, die, vnd nach yne, so sie nit sint, ire nachkommen allewegen uberseher vnd furmonder sin sollent der vorgenannt sammenunge vnd ire herborgen, also das sie gewalt sollent han mit der Martha in dem huse, ob ire deheim vnfriedesam vnd vngehorsam were, das sie die uss dem huse deten gene, vnd wass die sammenunge kommers vnd geschefftes an ginge, daz sollent sich die zwo personen vndersten zu richten, so sie beste mogent vnd andre geistliche menschen in das hus zu entphaen mit rade der Martha vnd der swestern, an der stat die ie abe werre gegange von todes wegen oder sonst, vnd das sie warten, daz man by der vorgenant zale verlibe, vnd ob iemand achtbare personen in das hus gesonnen zu kommen, die an freunden vnd an gute kostbare weren, das sie der kein darin entphaen, sie haben ez vorhin vor den rat bracht vnd ez nit dun ane herlaube vnd geheisse des rades. Vnd so an dasselbe hus oder den swestere icht gesetzt wirt, das die personen sich des vnderwynden vnd mit wissen der Mar- tha daz huss davon bessern, vnd den swestern ire not- durfft vnd wass achtbares dinges darzu gescheen sol, das sollent sie nit dun one des rades verhengnisse. Vnd diss sint die personen, die daruber gesuchet sind vnd gebeden, das sie sich das dorch Gottes willen vnderwinden mit na- men Contzel Kesselring vss dem rade vnd vss den geswo- renen Wernher Kursen. Vnd wann eyner abegeet, so sol man ein andern an sin stat vnverzogenlichen geben von denselben vss den er gestorben ist, so ez der ander leben- dige fodert, der es zu hant fordern sal. So sint diss die swestern die itzunt in das hus sint emphangen, mit namen Else Dolden, Else Habenyden, Grede Landtauwer, Husevon Wirtzburg, Gerdrut von Mentze, Keterchin Gudricsen swes- ter, Katharin vnd Margrede Bederin. Vnd sollent die vor- genant uberseher noch me darin dun nach dem als vor vnderscheiden ist. Wir wollen auch nit daz die furmonder des huses deheine swester darin tun nach ire eigen synne, dorch nyemands gunstes oder bede willen, es sy dann cin