Kfycolaus episcopus, servus servorum Dei, dilectis filiis ab- bati et conventui monasterii Lympurgensis, ordinis sancti Benedicti, Spirensis diocesis, salutem et apostolicam bene- dictionem. Cum a nobis petitur, quod iustum est et hones- tum, tam vigor equitatis quam ordo exigit racionis, ut id per sollicitudinem officii nostri ad debitum perducatur effec- tum. Sane peticione vestra nobis exhibita continebat, quod venerabilis frater noster Spirensis episcopus, gerens ad mo- nasterium vestrum specialem devocionis affectum ac consi- derans tenuitatem reddituum monasterii vestri, ex quibus vos non potestis commode sustentari, ecclesiam de Wydentail, sue diocesis, curam animarum habentem, in qua vos ius pa- tronatus habetis illius cedente vel decedente rectore, dilec- torum filiorum capituli Spirensis ad id accedente consensu, vobis et monasterio vestro cum omnibus iuribus et perti- nenciis suis in usus proprios deputaret, reservata de reddi- tibus ipsius ecclesie vicario in eadem ecclesia perpetuo ser- vituro congrua porcione, ex quibus possit commode susten- tari ac episcopalia et alia incumbencia sibi onera supportare, prout in patentibus literis inde confectis episcopi et capituli predictorum sigillis munitis plenius dicitur continfcri. Nos itaque vestris supplicacionibus inclinati, quod super hoc ab eisdem episcopo et capitulo provide scriptum est, ratum et gratum habentes, in auctoritate apostolica confirmamus et presentis scripti patrocinio communimus. Nulli ergo omnino homini liceat hanc paginam nostre confirmacionis infringere vel ei ausu tenerario contraire. Si quis autem hoc attemp- tare presumpserit, indignacionem omnipotentis Dei et bea- torum Petri et Pauli, apostolorum eius, se noverit incursu- rum. Datum apud urbem veterem, V. kal. marcii, pontificatus nostri anno quarto.

1291 marz 19.