Quoniam rerum noticie solent processu temporis novercari et frequenter excitare consuevit grandem calumniam malicia successorum, necesse est, ut que geruntur in tempore vel voci testium vel scripture memorie commendentur. Nos igitur villicus, preco, scabini et universalis communitas villarum de Steinhusen, notum facimus universis ad quos presens per- venerit scriptum, quod nos agros, prata, census iam ad ca- pellam nostram spectantes et in posterum spectancia cum omnibus suis appendiciis contulimus viris religiosis, abbati et conventui vallis sancte Marie in Sturtzelbronnen possi- denda pacifice in hunc modum videlicet, quod in ecclesia in Walsborn, cui dicta capella nostra incorporata est et an- nexa propter latitudinem et amplitudinem villarum sibi at- tinencium seu propter locorum distanciam non potest tute et commode per solum presbyterum officiari,' dicti abbas et conventus vicario, qui pro tempore eidem ecclesie prefuerit, talem porcionem prebendam suam augmentaudo de suis red- ditibus assignabunt, qua contentus secum habeat socium sa- cerdotem, ut negligencia, si qua hactenus facta est, ad lau- dem Dei et animarum salutem possit in antea in melius re

1267 october. 315

formari. Hoc eciam adiecto, quod divina bis in hebdomada in prefata capella nostra videlicet die dominica et altera die, qua sacerdoti expedire visum fuerit, celebrantur. Nec pretereundum est, si predictam capellam nostram, baptis- mum, sepulturam et cetera necessaria sacramenta per se habere contingerit, vel forte si sacerdos in ea residenciam fecerit, predicta omnia, que superius sunt expressa, ad ipsum redibunt quiete et libere possidenda. Ut autem hec firma permaneant et inconvulsa, viri religiosi abbates de Horn- bach et de Werneswylre ad peticionem nostram sigilla sua presentibus apposuerunt in testimonium veritatis. Acta sunt hec anno Domini MCCLXVII. mense octobri.