ciant cuncti presencium inspectores, quod constituti coram nobis iudicibus Spirensibus in ligura iudicii Sygelo dictus Kese et Adelheidis uxor sua, vendiderunt, tradiderunt et se vendidisse et tradidisse publice sunt confessi unam urnam olei venerabilibus viris decano et capitulo ecclesie Spirensis pro sex libris et quindecim solidis ballencium pecunie nu- merate, quam inquam pecuniam se confessi sunt recepisse integraliter et complete. Dabunt igitur et persolvent ac ad ecclesiam Spirensem sub suis dampnis, laboribus, periculis et expensis presentabunt oleum predictum, in memoriam Fri- derici de Garchach, pie recordacionis quondam civis Spi- rensis, ecclesie memorate annis singulis in perpetuum in festo beati Martini hyemalis de bonis ipsorum sitis in villa Hagen- bach et terminis eiusdem, videlicet curia et domo, que vul- gariter dicuntur hofereyde et uno iugere vinearum cum di- midio an demme nuwen wege, que bona dicti coniuges pre- notatis dominis obligarunt pro oleo predicto sive pensione titulo hypothece et permanebunt indistracta et indivisa apud dictos coniuges et unum heredem ipsorum post eos, qui dic- tam inde solvet pensionem, quemadmodum est prescriptum, et hoc ab heredis herede in perpetuum observabitur succes- sive. Si vero ipsi vel heres ipsorum post eos prefatam pensionem tempore non persolverit supradicto singulis annis, tunc prelibati domini sepefata bona ad se trahere possunt eo iure, quod secundum consuetudinem terre offholen nun- cupatur, contradictione cuiuslibet non obstante. In cuius rei testimonium sigillum nostrum ad preces parcium predicta- rum huic pagine est appensum. Actum et datum anno Do- mini MCCXCIII. idus decembris.