In nomine Domini, amen. Heinricus de .Ernberg praepositus ecclesiae sancti Guidonis Spirensis, universis Christi fideli- bus, ad quos praesentes pervenerint, salutem in Domino. Cum creatura non habeat, quod pro meritis suo creatori respondeat, et eo maxime, quod de sua immensa pietate de summis coelorum ad ima mundi descendere dignatus est et tandem pro humani generis redemptione mortem subire tem- poralem, nimirum si aciem nostrae considerationis ad coe- lestia salutisque opera extendamus, decet, ut cum devotionis erdore, quidquid possumus, jungi sollicitudinis studio ejusdem Dei filio Jesu Christo in recompensationis titulum impenda- mus. Idcirco discreti viri, Conradus Nagel, rector ecclesiae parochialis villae in Lochinckeim nostri archidiaconatus et incolae villae Freudenthale, subditi et parochiani dictae pa- rochalis ecclesiae in Lochinckeim, volentes unam prae- bendam sacerdotalem in omnipotentis Dei suaequae sanctis- simae genitricis Mariae et omnium sanctornm ipsorumque et aliorum suorum parentum et progenitorum animarum reme- dium et salutem erigi et dotari in capella beatae Mariae virginis villae Freudenthale, sita infra limites ecclesiae pa- rochiahs in Lochinckeim, certis redditibus, censibus et bo- nis infrascriptis, salva fidelium augmentatione sub hac forma, ut sacerdos seu praebendarius dictae praebendae perpetuis temporibus qualibet ebdomada quatuor missas dicat seu ce- lebret, nisi impedimento detineatur legitimo aliasque se regat et teneat sine praejudicio gravaminis et periculo plebani villae Lochinckeim praedictae pro tempore existentis ipsumque ple- banum in legatis, oblationibus et aliis remediis promoveat

1392 mai' 14.

raodo quo poterit meliori. Ordinaverunt etiam dicti funda- tores et dotatores, quod quotiens dictam pt-aebendam per mortem seu liberam resignationem discreti viri, Heinrici Hylderin presbyteri, vacare contigerit, ex tunc collatio seu praesentatio ipsius praebendae ad rectorem ecclesiae parochialis in Lochinckeim pertinere debebit et ad prae- bendam hujusmodi sic vacantem personam idoneam et sa- cerdotalem archidiacono loci praesentare investiendam in ea- dem, contradictione qualibet non obstante. Quibus sic rite et legitime peractis, praefati fundatores et dotatores nobis humiliter supplicarunt. quatenus hujusmodi praebendae insti- tutionem confirmare et approbare dignaremur. Nos igitur hujusmodi supplicationi tamquam piae et rationabili annuen- tes, cupientes divinum cultum cunctis temporibus augmentari, dictam institutionem et dotationem, cum consensus Conradi dicti Nagel, rectoris ecclesiae parochialis in Lochinckeim et plebani ibidem ad praesentem confirmationem accesserit et acoedat, de quorum adhibitione consensus nobis facta ftiit et est plena fides in omnem modum et formam, prout praemissum est, prout in dotatione hujusmodi praebendae continetur, in Dei nomine praesentibus contirmamus, sic ta- men, quod praebendariu» dictae praebendae, qui pro tem- pore fuerit, plebano ecclesiae parochialis villae Lochinckeim, juxta tenorem et mentem juris communis statutorumque pro- vincialium et synodalium in divinis officiis et omnibus horis oanonicis peragendis in superpellicio suo assistat et ipsum adjuvet qualibet sine fraude, nec non personalem residentiam in villa Freudentbale juxta dictam capeliam faciat et ipsam praebendam per se deserviat, ita tamen, quod confirmatio praedicta fiat sine praejudicio et gravamine plebani ecclesiae parochialis in Locbinckeim praedictae. Dictum quoque Hein- ricum Hylderin presbyterum ad eandem praebendam insti- tuimus et investimus per praesentes. Specificatio vero bo- „ norum, reddituum et censuum ad dictam praebendam perti- nentium talis est . . . . In cujus rei testimonium sigillum nostrum praesentibus est appensum. Datum aoao Domini millesimo trecentesimo nonagesimo secundo, feriatertia pro- xima ante dominicam Vocem jucunditatis.

692 1393 juli 13.