Wi r Ludewig von Gots gnaden Romischer keiser zu allen zyten merer des richs, verjehen und bekennen offentlich an diesem brieffe, daz wir durch bete vnd flissiger dienste wil- len, die vns der erwirdige Gerhart, bischoffe zu Spire, vnser lieber furste vns vnd dem riche getan hat vnd noch tun mag, han wir yme die sunderliche gnade getan vnd tun auch mit diesem brieffe, daz er oder sine nachkommen das dorfl Steinbach vnder Horemberg bevesten vnd buwen sol vnd mag, mit muren vnd mit graben, als man andere stette bevestet vnd buwet. Vnd geben demselben flecken stock vnd galgen vnd alle andere recht, fryheit vnd gewonheit, als vnser vnd des richs stadt Wimpfen hat vnd stet. Auch geben wir yme eynen wochen marckt vff den montag aller- menglich mit siner kaulfmanschafft zu suchen. Vnd wer yne suchet mit siner kauffmanschafft, dem geben wir vnsser und des riches friede, schirme und geleit dar vnd dannen vnd gebieten allen vnsern vnd des riches getruwen, wie die genannt sien vestiglichen vnd ernstlichen, daz sie die, die den vorgenannten marckt suchent, schirment vnd sie nit gestatten, daz sie ymant leidige oder beswere by vnsern vnd des richs hulden. Zu einem waren vrkund desselben geben wir yme diesen brieff besiegelt mit vnserm keiserli- chen ingesiegel, daz daran gehangen ist. Der gegeben wart zu Francklurt an dem nechsten samstage nach sant Peters

558 1341 juni 30.

vnd sant Paulus tage, der zwolff boten nach Christus ge- burte druzehen hundert jare, darnach in dem eynen vnd vier- zigsten jare, in dem sieben vnd zwentzigsten jare vnssers richs vnd vierzehenden des keiserthums.