In nomine sancte et individue Trinitatis. Notum sit omni- bus Christi fidelibus tam presentibus quam futuris, qualiter ego Guntherus Dei gracia Spirensis ecclesie episcopus, in- spirante me misericordia Dei et preveniente in donis suis predium meum in Husen et Michelbuch cum universis appen- diciis suis, inquisitis et inquirendis, cultis et incultis, molis et molendinis, exitibus et reditibus, aquis aquarumve decur- sibus, piscacionibus et omnibus utilitatibus ad predictum pre- dium pertinentibus, per manum fratris mei comitis Bopponis ecclesie sancte Dei genitricis et virginis Marie in Schonau- gia tradidi ad utilitatem servorum Dei secundum regulam beati Benedicti ibidem militancium, quatinus hi, qui de nau- fragio huius mundi evaserunt et nudi secuti sunt Christum, me, qui in multis offendi Deum, ambulans secundum hominem et non habens ad salvacionem anime merita sufficiencia, per intercessionem oracionum ipsorum recipiant me in eterna ta- bernacula. Verum si honorare ministerium nostrum intendimus ad formam apostoli omnibus omnia esse debemus. Sed quia propter lubricum huius vite exequi illud bene non possumus, illis precipue subveniendum credimus, qui contempserunt ter- rena, se crucifigentes cum viciis et concupiscenciis, quibus civitas carcer est, et solitudo paradisus, eisque securius com- mittenda est salus nostra, cum iam deliberaverint de salute sua. His inquam, propter quod dicitur, sudet elemosina in