w ir Karl von Gots gnaden Romischer keyser, zu allen zyten merer des richs vnd kunig zu Belteim, bekennen vnd tun kunt offentlich mit diesem briefe allen den, die yn se- hen oder horen lesen, daz wir angesehen haben stete, ge- truwe dienste, die vns vnd dem riche der erwirdige Lam- precht bischoff zn Spire vnser lieber furste vnd heymlicher

652 1366 september 6.

rat. offt nutzlich getan hat, tegelich tut, furbasser ton wfll, vnd mag in kunfftigen zyten vnd haben yme, sinen nach- kommen bischoffen vnd dem stiffie zu Spire dis nachge- schriben gnade vnd friheit getan von vnser keyserhchen macht vnd mit rechter wissen vnd tun auch mit diesem brieffe. Were daz sache, daz ymant in welchen wirden oder wesen der were, sie, ire Inte oder gut angriffe, raubte oder schedigite wider recht oder ane gerichte im deheine wiss. daz denne sie, ir amptlute, schultheiss. pfleger oder diener dieselben, die sie also angriflen, geraubt oder geschediget hatten, in welichen steten oder gerichten oder wo sie die funden mit gerichte oflhalten. angneffen vnd bekummberen mogen mit alle der habe, die sie by yn haben vnd wo 6ie die angrieffen, offhalten oder bekumbern, do sol man yn richten vnverzogelichen vnd ane alle widerrede nach der- selben stat oder gerichts recht vnd gewonbeit. also daz kein geleyte oder fryheit dafur helffen solle. Davon ge- bieten wir allen fursten, geistlichen vnd weltlichen, grafen. fryen, herren, rittern vnd knechten vnd sunderlich den bur- germeistern, den reten vnd den burgern gemeynlichen der stete Costenitz, Basel, Nuwenburg, Fryburg, Brysach. Strasspurg, Spire, Wormsse vnd Mentze vnd allen andern vnseren vnd des riches vnd anderer lute stete, off dem Kyne. in Swaben vnd in der Wederreybe vnd wo sie gelegen sin. vnd allen andern vnsern vnd des riches vnderdanen ernst- lich vnd vestetlichen, by vnsern vnd des richs hulden, ob es geschehen, daz der egenannte vnser furste. bischoff Lam- precht, sine nachkommen vnd der stifft zu Spire, ire lute oder gute angegriffen, geraubet oder geschediget worden ane gerichte, in welichem gerichte sie, ire amptlute, pfleger, schult- heissen oder diener dieselben lute, die sie also angriffen oder beschediget hetten, oflhielten oder bekumberten, daz sie ya denne zu denselben liben vnd guten ane alle widerrede vnd verziehen, richten sollen nach ire lande vnd stete recht vnd gewonheit, alz lange vnd alz vorre biss daz yn aller ir schade genzlich gerichtet vnd gekeret wirdet. Vnd wer ditz freventlichen versagite oder wider bescheidenheit ver- zoge, der sol dem egenannten bischoff von Spire vnd sinen nachkommen den schaden gentzlichen widerkeren vnd in vnser vnd des riches vngnade swerlichen verfallen sin. 31it vrkund des brieffs versiegelt mit vnser keiserlichen maje- stat ingesiegel. Der geben ist zu Franckfurd nach Cristus

1366 september 6.

geburte drntzehen hnndert jare, darnach in dem sechs vnd sechzigesten jare an dem nechsten sonntag fur vnser fra- wen tag, als sie geboren wart, vnser riche in dem einen vnd zwenzigsten vnd des keyserthums in dem zwolfften jare.