Wir Walrame von Gots gnaden erwelter und bestetigter bischof zu Spire, veriehen vnd tun kunt allen den, die disen brief sehent oder horent lesen, daz wir unsern vorgenannten stiffte mit solcher schulde bekumert vnd vberladen funden, daruff von leistunge vnd koste vnd juden wucher solich vnvervengelich schade wuchs vnd gienge, dem wir ane dess stiffts verderbnusse anders vermachen nicht emochten , wir mussen vnsers stiffts, des vorgenannten gut danne verkauf- fen oder versetzen, daz es vnschedelichen were. Daruber gesessen sint mit rat der erbern wisen lute, des dechants vnd des capitels gemeinlichen vnsers stifftes zu Spire vnd han mit irem rat, willen vnd guter verhengnusse durch des vorgenannten vnsers stifffs verkauft vnd verkaufen fur vns vnd vnser nachkommen, bischove zu Spire, recht vnd rede- lichen an diesem briefe der erwirdigen frauwen, frauwe von Blantzenflors, Fritschmans seligen wittwe, vnsers bruders suns, graven Georien von Veldentz, iren kinden vnd iren erben, oder wem sie das nachgeschriben gut gibet oder

1330 juni 24.

machet . vnser burge Ryeperg vnd dorffer Wilre vnd sant Martin mit den vogtyen. gerichte, kirchensatze zu Wilre, zehende, zinsse, beten, sturen, welden, weiden, wassern, luten vnd allen nutzen vnd rechten, die darzu horent, gesucht vnd vngesucht, wa sie gelegen sin vnd wie sie sin geheis- sen, als sie von alter her komen sint, vssgenommen allein des schultheissen amts zu sant Martin, daz da horet zu den ampten vff den bachgangen, vmb dru dusent pfunt heller, guter vnd geber, die vns die vorgenannte frauwe, frauwe . Blantzenflors an bereitem gelt gewert und bezalt hat vnd wir mit rat der vorgenannten des dechants vnd vnsers ca- pitels vnsers stiffts, an des schulden vnd kuntliche noth- durfft bewant han genzelichen vnd gar, also daz die vor- genannt frauwe Blantzenflors, ir kinder vnd ir erben, oder wem sie die vorgenannt gult gibt oder lasset, die vorge- nannt burg Ryeperg, dorffer vnd gult, mit allen iren rech- ten, die darzu horent, als sie davor benennet sint, innemen, nyessen sollent vnd damit tun vnd lassen, als mit anderm irem eigen gut. Uie vorgenannt frauwe Blantzenflors hat auch angesehen sunderlich lieb vnd freuntschafft, die sie zu vns und vnserm stiffte zu Spire hat, vnd hat fur sich, irc kinder vnd ir erben, oder wem sie die vorgenannten gut gebe oder liesse, vns vnd unsern nachkommen bischove zu Spire vnd vnserm stiffte zu Spire, solich fruntschaft vnd gnade gethan, daz wir vnser nachkommen bischove zu Spire oder vnser stiffte zu Spire die vorgenannte burg Ryeperg, dorffer vnd lute vnd gulte mit allen iren rechten, als sie da- vor benennet sint, wider kaufen mugent mit drien dusent pfunt hellern, wenne wir, vnser nachkommen oder stifte in die mit einander des jars, als wir den wiederkauf tun wol- len, antworten vnd weren zu Meintze oder zu Wormes, oder wo sie wollent vor sant Georien tage. Teten wir aber den vorgenannten widerkauf eclichs jars nach sant Georien tage, so sollen sie doch des jars die nutzc nehmen vnd nussen von den dorffern vnd guten als davor beschrieben ist, vnd sollent vns, vnserm nachkommen bischoven zu Spire oder vnserm stiffte die burg Ryeperg, die dorfer mit allen iren rechten ledeclichen wieder geben vnd wieder antworten an alle widerrede vnder solichen penen vnd verbuntnusse, als an den brieven stet, die daruber gemacht sint. Die vorge- nannt frauwe Blantzenflors, ir erben oder wem sie die vor- genannte gulte gibt entsollent vff dem vorgenannten husi

512 1330 juni 24.

niemand wider vns vnd vnsern stiflte darufl" husen noch hal- ten vff vnsern schaden, es were danne, daz wir vnser nach- kommen oder vnser stiffte ir oder iren erben rechts vss- giengen vnd sie kriegten wider dem rechten. Es ist aucii berete, were es, daz die vorgenannt frauwe Blantzenflors, ir erben oder wem sie die vorgenannte gult gebe oder liesse an den vorgenannten dorfern vnd guten mit iren rechten, die darzu horent deheims jars bruch gewinnen, daz sie von den nutzen vnd gulten, die davon fallent sint dru hundert pfunt geltes nicht werden gewent, darumb sollent sie an vns oder an den vorgenannten dechant vnd das capitel vnd vnsern stiffte dahein forderungen noch ansprache han in dahein wise, noch sie oder ir gut darumb anrechen analle geverde. Wir verziehen auch fur vns vnd unsern nach- komen bischove zu Spire, vnd vnsern stiflte zu Spire vmb alle die vorgeschriben dinge aller friheit, brieve vnd hant- veste, die vns vnd vnsern stiffte zu Spire von dem stule von Rome, von kaisern, von kunigen oder anders wo sie her gegeben oder hernach gegeben werden, daz wir nicht vor- dern oder sprechen sollen, daz sie oder ir erben vbn der nutze wegen, die von den guten vallent sint, verziht, ab- slahen sollen, oder daz unser stiftte an diesem vorgenannten kauf sie geschadiget oder betrogen vnd sunderlichen des rechten, daz stifts an kirchen daruber ist gegeben vnd er- leubet, vnd darzu alles rechtes geistlichs vnd werntlichs gesetze vnd gewonheit, damit wir, vnser nachkommen oder vnser stiffte wider disen vorgenannten kauf vnd alle diese vorgeschriben dinge komen oder getun mochten im gerichte oder ane gerichte heimlichen oder offentlichen, nu oder her- nach, ane alle geverde etc. Datum anno Domini millesimo trecentesimo trigesimo in die beati Joannis baptistae.