718 1399.

stat herleube. Wers aber, das iemand der nit hie vnder vn- serm herrn gesessen were vnd ein frauwen name were vnd by yne geruchte zu sin, vnd etwass guts hette, das er zu yne wolte bringen vnd es yne allen in die gemeynde wolt lassen fallen, das sin desto bass mochten ir huss in buwe gehalten vnd ire narunge gebessern, da wollten wir nit wid- der sin, aber es solte bescheen mit des rades verhengnisse, willen vnd wissen. Vnd syt nu die erbern frauwe Else Dol- den mit namen luterlich dorch Gotes willen vnd in glicher meynunge als vorbegriffen ist, als sie das vor vns bekannte, ire husen vnd hoffereide mit allem synie begriffe, rechten vnd eigenschafften, als sie das biss hern gehabet hat, das da gelegen ist in dirre stat in der lauwen gassen, neben dem alten Dolden hoffe vnd gein Jeckel Gotschmans seligen witwen hoff uber dare an gegeben hat, vnd auch in aller vorgenannt massen der swestern ein da inne sin wil als sin spreche, so erleuben wir vor vnss vnd alle vnsse nach- kommen die burger vnd burger sin in dirre stat sin vnd werdent) vnd verhengen mit diessem brieffe, das dieselbe sammehunge geistlich menschen vnd zale der swestern vnd ire nachkommen vnd auch nit me dann vorbenannt ist in derselben herbergen sin vnd wonen sollen ewiglich. Das- selbe gehuse vnd hoffereide sal sin genant nu vnd furbass me ein Gotes hus, das ist geistlich armer kinder vnd swes- tern hus. Dasselbe gehuse vnd alle die swestern die da inne werdent wonen, frihen wir luterlich dorch Gotes wil- len vnd qwiden sie lediglichen vor vns vnd alle vnsse nachkommenden, das sie noch bede, sture, wachen, vssfaen, noch deheine andere hulffe sollent schuldig sin zu dunde mit vns vnd andern burger vnd burger sin in dirre stat ane geverde. Vnd das han wir darumbe getan, das sie vnssern here Got, sine liebe mutter vnd alle sin heilgen andechtlichen vor vnsser herschafft, vor diese stat vnd vor vns alle be- den, das vns got behude vor allen vnssern vienden gesicht- lich vnd vngesichtlich vnd vor allem vbel an selen vnd an libe vnd eren vnd gude vnd das sie zu erbern luden genen, die siech wordent, da man ire gebruchet vnd by der herr- schaft vnd erbern burger begrebde sin vnd uber ire greber, so man ire jaregezyt oder ander ire gehugnisse hat. Wir wollen auch die selbe sammenunge schirmen von den stede wegen vnd heyen vnd wollen nit, daz sie yemands leidige oder gewaltige in huse, zu wege oder zu stege. Wir wol